Pique ka pranuar përgjysmim të pagës, Alba dhe Busquets vendosin pas pushimeve

Barcelona është në kërkim të uljes së kostove të pagave vjetore të klubit, ndërsa disa lojtarët tashmë kanë pranuar një gjë të tillë.

Klubi nga Camp Nou ka hasur në vështirësi financiare dhe i duhen 200 milionë euro për të balancuar financat për këtë vit.

Barcelona po has në vështirësi në lidhje me rinovimin e kontratës së kapitenit Lionel Messi, shkaku i problemeve financiare dhe drejtuesit po kërkojnë zgjidhje.

Lexo po ashtu Nga vitet e kontratës deri tek shkurtimi i pagës, largimet dhe sponsorët - Sekretet e kontratës së re të Messit

Drejtuesit e Barçës thuhet se janë duke shpresuar t’i largojnë disa lojtarë që përfitojnë shumë, ndërsa nga ata që mbesin kanë kërkuar t’i ulin pagat.

Disa nga lojtarët kryesor thuhet se e kanë pranuar një gjë të tillë, ndërsa disa të tjerë janë në pritje të një vendimi.

Sipas mediumeve të afërta me Barcelonën Pique tashmë ka pranuar një ulje të pagës për më shumë se 50 për qind.

Lexo po ashtu Griezmann dhe Coutinho: Dyshja që i kushton klubit 100 milionë euro në vit, largimi i tyre i domosdoshëm

Në anën tjetër, Sergio Busquets dhe Jordi Alba do të flasin me klubin sapo të përfundojnë pushimet e tyre, por duket se edhe këta të dy do të pranojnë ulje të pagës.

Emra tjerë si Antoine Griezmann, Ousmane Dembele, Philippe Coutinho dhe Samul Umtiti pritet të largohen për të rregulluar financat e klubit. /Telegrafi/

🗣[ @gerardromero🥇] | Piqué has already a accepted a more than 50% wage reduction. Busquets and Jordi Alba will talk to the club once they end their vacation. (Via: @ActualiteBarca) pic.twitter.com/53dok58SQV

— BarçaTimes (@BarcaTimes) July 17, 2021