E dini ku është bukuria e sistemimit të gardërobës në këtë periudhë? Që më në fund mund t’i palosim streçet e getat për të nxjerrë këmbët e zhveshura dhe të realizojmë ato kombinime që nuk mundeshim t’i bënim gjatë muajve të ftohtë

Nga fundet midi me lëkurë në ngjyra të ndryshme të cilat mund të jenë një zgjedhje shumë e mirë edhe për në zyrë, tek ato ‘total black’, perfekte për kohën e lirë të kombinuara me një palë atlete ose çdo këpucë tjetër të sheshtë.

Nëse jeni në humor për eksperimentime ‘fashion’, por nuk dini nga t’ia filloni dhe keni nevojë për një frymëzim të shëndetshëm, ja disa ide nga të cilat mund të inspiroheni këtë pranverë…

Revista e modës Grazia.it ka krijuar për ju 5 kombinime me funde prej lëkure që janë vërtet të thjeshta për t’i kombinuar. Le t’i zbulojmë së bashku…

1. Fund mini trapez + bluzë pambuku + çantë në versionin mini + çizme

2. Fund me kopsa para + këmishë e bardhë + çantë me aksesor + këpucë leopard me takë të shkurtër dhe të hollë

3. Fund i ngushtë rozë + pulovër kashmir me mëngë të shkurtra + mini çantë lëkure + atlete të bardha

4. Fund mini ngjyrë bordo + këmishë e kaltër pambuku + çantë dore me dorezë + këpucë me vija

5. Fund lëkure ‘portofol’ + kanotierë e bardhë pambuku + çantë + sandale me rripa shumëngjyrëshe