Përzgjedhësi i Turqisë, Gunes: Kemi lojtarë që luajnë në Itali, e dini si duhet të luajnë ndaj italianëve – mund të fitojmë ndeshjen

Përzgjedhësi i Turqisë, Senol Gunes beson se Turqia mund ta mposht Italinë në ndeshjen hapëse të EURO 2020.

Kampionati Evropian do të fillojë nesër në “Olimpico” të Romës, me ndeshjen mes Turqisë dhe Italisë nga ora 21:00.

Senol Gunes ka folur në konferencë shtypi para ndeshjes së nesërme, duke thënë se

“Roberto Mancini e njeh mirë futbollin turk, pasi ka qenë trajner i Galatasaray dhe ai ka në dispozicion shumë lojtarë të talentuar. Ne nuk jemi favoritë për të kryesuar këtë grup, por unë do të doja të arrija në finale dhe ta luaja kundër kësaj Italie”.

🇹🇷 Preparing for the opening game of #EURO2020 🤩

🤔 Predict Turkey's EURO campaign in 𝟯 words or less! pic.twitter.com/jko0ds1B0d

— UEFA EURO 2024 (@EURO2024) June 10, 2021

“Ne i dimë pikat e forta të Italisë, por edhe dobësitë e tyre. Ne e dimë mirë prestigjin dhe traditën e Italisë, duke u kualifikuar pothuajse në të gjitha këto gara. Sidoqoftë, do të luftohet shumë në aspektin teknik, taktik dhe fizik. Unë dua të shoh cilësinë e lojtarëve të mi në këtë ndeshje”.

“Është gjithashtu mirë të kesh lojtarë që janë në klube të Serie A, pasi ata e dinë se si funksionojnë gjërat në Itali dhe qasjen që kanë këto skuadra. Kjo është një lojë midis dy skuadrave të forta dhe besoj se Turqia mund të fitojë”.

“Ne nuk duhet të humbasim përqendrimin, përndryshe mund të kemi probleme. Ndeshjet e para dhe të fundit të grupit janë thelbësore dhe ato mund të ndryshojnë ekuilibrin e të gjithë situatës”, ka thënë Senol Gunes. /Telegrafi/