Përveçse bëri simbolin e shqiponjës, Bebe Rexha performoi edhe me flamurin kombëtar gjatë koncertit famëkeq ku u sulmua nga një burrë

Artistja shqiptare me renome botërore, Bebe Rexha, ka qenë kryefjala e mediave botërore të hënën.

Kjo pasi një incident ndodhi në koncertin e saj të fundit në New York, ku një burrë nga audienca e gjuajti me telefon në fytyrë duke i shkaktuar lëndime.

Si pasojë, 33-vjeçarja u detyrua që dërgohet me urgjencë në spital, ku edhe bëri tri qepje në fytyrë pas plagëve të marra.

Lidhur me ngjarjen, Policia e New Yorkut ka vënë në pranga 27-vjeçarin Nicolas Malvagna, të cilin e identifikoi si personin që ka kryer këtë vepër.

Ndonëse motivet që e kanë çuar drejt kryerjes së këtij incidenti nuk dihen, një gjë është e sigurt – që Bebe Rexha u godit me telefon fytyrës gjatë kohës që po bënte simbolin e shqiponjës me duar në fund të koncertit.

Bebe Rexha gets hit by phone in the face on stage pic.twitter.com/AJ1Xj7NtfR

— Daily Loud (@DailyLoud) June 19, 2023

Duke shprehur krenarinë e saj për origjinën shqiptare, artistja e hitit “I’m a mess” kishte inkuadruar elemente patriotike edhe në pjesën tjetër të performancës gjatë mbrëmjes.

Madje në një moment, ajo ka pranuar flamurin kombëtar nga fansat e pranishëm në koncert dhe ka interpretuar bashkë me të hitin e saj të padiskutueshëm, “I’m Good (Blue)”.

Në videot që po qarkullojnë nga koncerti në internet, mund të shihet se si këngëtarja me origjinë nga Dibra e Maqedonisë së Veriut, e valëvit me krenari flamurin kombëtar në skenë.

Bebe Rexha përndryshe është në mes të turneut të saj, “Best F**N Night Of My Life”, i cili po zhvillohet aktualisht në Shtetet e Bashkuara dhe më pas pritet të vazhdojë edhe në Evropë. /Telegrafi/