Pas Junikut edhe Komuna e Deçanit ka vendosur të bojkotojë grevën e SBASHK-ut

Përveç Junikut edhe Komuna e Deçanit ka vendosur të bojkotojë grevën SBASHK-ut.

Lajmin e ka bërë të ditur kryetari i kësaj komune, Bashkim Ramosaj.

Përmes një shkrimi në Facebook, Ramosaj ka njoftuar se të hënën do të fillojë gjysmë-vjetori i dytë në të gjitha shkollat e Deçanit.

Lexo po ashtu SBASHK: Vazhdon greva e mësimdhënësve, nuk mbahet mësim

“Sonte në ora 21:00, së bashku me drejtorin e DKA-së, takuam në zyrën time drejtorët e shkollave të Komunës së Deçanit. Në këtë takim të jashtëzakonshëm u dakorduam që nesër të fillojmë me procesin mësimor”, ka shkruar ai.

Lexo po ashtu Përkundër vendimit të SBASHK-u për vazhdimin e grevës, në Junik mësimi fillon nesër

Ramosaj, ka ftuar të gjithë mësimdhënësit dhe nxënësit që të jenë në objektet shkollore sipas orarit të rregullt.

“Nesër kam ftuar Këshillin Grevist dhe përfaqësuesit e Sindikatës që në ora 8:00 të jenë në takim ne zyrën e Kryetarit të Komunës, me qëllim ta tejkalojmë këtë situatë e cila pas deklaratës së Kryeministrit Haradinaj është e pa pranueshme të vazhdojë”, ka theksuar Ramosaj.

Qeveria ka vendosur të bëjë rritje të pagave për arsimtarët për 20 milionë euro në vit.

Haradinaj ka thënë se rritja do të bëhet nga 534 euro në 597 për mësimdhënësit në shkolla të mesme, nga 479 në 525 për ata në arsimin fillor dhe nga 447 në 501 te ata në nivelin parashkollor.

Por sipas Sindikatës së Arsimit, greva në arsim do të vazhdojë deri në plotësimin e kërkesës së tyre. /Telegrafi/