Përse janë kaq të veçantë? Ç’duhet të dish për Peshqit, shenjën më ëndërrimtare të horoskopit!

Ata nuk janë rebelë, thjesht kanë një botëkuptim ndryshe nga shumica. Janë njerëz që depërtojnë thellë në rrjedhën e ngjarjeve

Peshqit kanë një super imagjinatë, janë romantikë dhe unikë. Mund të themi se sytë e tyre ëndërrimtarë, zëri i qetë dhe fytyra melankolike i bëjnë të dallohen me kilometra larg.

Ndërsa ata ëndërrojnë, ndryshojnë energji dhe kërkojnë përvoja të reja, mos harroni se janë dhe në kërkim të vetes.

Si një shenjë kaq e mbushur me pasione dhe dëshira, Peshqit lehtësisht mund të ngatërrohen me një shenjë të ndjeshme dhe nostalgjike, por jo gjithnjë është kështu.

Duke qenë se Peshqit kanë si simbolikë 2 peshq që notojnë në drejtime të kundërta, gjithçka në shenjën e tyre lidhet me rrymën. Ata kanë si element ujin dhe udhëhiqen nga Neptuni.

Tani, le të zhytemi në karakterin e tyre, në të gjitha aspektet e jetës së Peshqve.

Si janë Peshqit në zyrë?

Peshqit shquhen për fleksibilitetin dhe përshtatjen në çdo mjedis. Është një shenjë empatike, transparente dhe e hapur. Nëse do e përshkruanim me një këngë, pa dyshim do ishte soundrack i “Friends”. Peshqit janë vizionarë dhe kanë një ndjeshmëri të lartë ndaj situatave të ndryshme, të cilat jo domosdoshmërisht i prekin. Gjithsesi, e kanë paksa të vështirë të ndajnë mendjen dhe mendojnë 1000 herë para se të flasin. Sa ta thonë përgjigjen, jeta ka vazhduar.

Po në dashuri?

Peshqit kërkojnë një lidhje që frymëzohet nga romancat më të bukura të dashurisë. Nuk është çudi nëse sheh një person të kësaj shenje që teksa flet për dashurinë, t’i shkëlqejnë sytë, pasi beson te shpirti binjak dhe te përralla: “Jetuan të lumtur përgjithmonë”. Peshqit dashurojnë me shpirt dhe bëjnë gjithçka për personin që kanë në krah.

Lexo po ashtu Pëlqen një person të shenjës së Peshqve? Ja ç’duhet të dish!

Në aspektin miqësor?

Peshqit janë gati për gjithçka, nëse dhe miqtë janë gati! Nëse do që në një mbrëmje të rrish rehat dhe të shohësh një film, Peshqit i ke një telefonatë larg. Njëjtë edhe nëse kërkon të dalësh në klub dhe të pish ca gota. Peshqit janë të dashur me miqtë dhe kanë shokë për kokë. Ata shkojnë me rrymën, s’ia prishin qejfin askujt dhe nuk thonë pothuajse kurrë gjëra që i lëndojnë të tjerët. Por, një këshillë: Mos i lini kurrë të vendosin se ku do shkoni, se s’kanë për ta zgjedhur kurrë.

Si janë Peshqit në vetmi?

Peshqit klasikë vdesin për ambiente të rehatshme. Ata kanë një qasje të bukur artistike, janë ëndërrimtarë, besojnë te fuqia e universit dhe e kristaleve. Peshqit nuk dallohen si një shenjë me aftësi organizuese, ndaj jeta dhe shtëpia e tyre mund të jetë pak kaotike. /Telegrafi/