Kanë kaluar 70 vjet qëkur është shkrepur fotografia më e famshme të gjitha kohërave. Në qendër të ngjarjes: reporterët insistues dhe Ajnshtajni (Albert Einstein)/
Është 14 marsi i vitit 1951 dhe Ajnshtajni ka ditëlindjen. Mbush 72 vjet. Fizikani i famshëm, i cili ka lindur në Ulm të Gjermanisë, jeton prej shumë vitesh në ShBA dhe punon në “Institutin për Studime të Avancuara” në Prinston të Nju-Xhersit. Në qendrën kërkimore mbahet për nder të tij një ceremoni.
Kur ai ngrihet për të ikur, jashtë e presin paparacët. Duan të dëgjojnë nga profesori me famë botërore ndonjë shprehje mendjemprehtë për situatën politike në botë dhe të bëjnë foton perfekte të ditëlindjes. Ajnshtajni ndjehet i bezdisur dhe i lodhur nga të gjitha fjalimet festive; e urren gjithsesi zhurmën mediatike rreth personit të tij. Dëshiron të largohet që andej. Por, nuk mundet, sepse ndodhet ulur në ulësen e pasme të një limuzine, midis ish-drejtorit të institutit, Frank Aydelotte, dhe gruas së tij Marie. “Mjaft, mjafton…”, duhet t’u ketë thënë ai pandërprerë gazetarëve, por ata nuk e linin rehat: “Hej, profesor, ju lutem buzëqeshni për një foto ditëlindjeje”, thërret njëri prej gazetarëve.
Ajnshtajni, shpirt i lirë, jokonvencional, u nxjerr thjesht gjuhën përndjekësve të tij. Fotografi Arthur Sasse shkrep pikërisht në këtë moment aparatin dhe bën fotografinë e famshme në të gjithë botën.
Profesori i shpërqendruar, me flokë të shpupurishur dhe me veshje të lënë pas dore, që harron aq shpesh të mbathë çorapet, teorinë e relativitetit të të cilit pakkush e kupton deri më sot, u mitizua që në të gjallë të tij. Pamja ikonike e kësaj fotografie çasti i jep këtij truri gjenial statusin e një pop-ikone.
Por, nuk është fotografi Arthur Sasse që i jep fotografisë famë botërore, por vetë Ajnshtajni. Atij i pëlqen fotografia, porosit shumë printime të tjera dhe i pret ato në mënyrë të tillë që çifti Aydelottes të mos duket, por vetëm portreti i tij me gjuhën e nxjerrë jashtë. Ai ua dërgon atë gjithë kolegëve, miqve dhe të njohurve. “Gjuha e nxjerrë pasqyron pikëpamjet e mia politike”, duhet t’i ketë thënë ai mikeshës së tij të fundit, Johanna Fantova.
Ajnshtajni, që qe hebre, kishte ikur nga Gjermania naziste. E dinte se si ndjehesh kur shteti bën gjueti shtrigash ndaj një grupi të caktuar. Prandaj, nuk i pëlqente Lufta e Ftohtë dhe përndjekja e gjoja komunistëve e nxitur nga senatori John McCarthy, prej së cilës shumë politikanë, intelektualë dhe artistë akuzoheshin si “anti-amerikanë”.
“Sundimi i budallenjve është i pamundur të kapërcehet, sepse janë aq shumë dhe votat e tyre kanë po aq vlerë sa dhe tonat”, thoshte ai. I Ajshtajnit duhet të jetë edhe ky citat: “Dy gjëra janë të pafundme: universi dhe budallallëku njerëzor. Por, për universin nuk jam ende krejt i sigurt”.
Këtij budallallëku Ajnashtajni i konfrontohej me gjenialitet – dhe me gjuhën e nxjerrë jashtë. Sot këtë fotografi e gjen ende të riprodhuar miliona herë: në posterë dhe bluza, kartolina urimi, filxhanë dhe piktura. Profesori gjenial ka adhurues të shumtë edhe në mesin e brezit të sotëm. /DW/
Lufta Prigozhin - Putin
Më shumëHistoria e fisit Shala
Kristo Frashëri dorëzoi letrën, ku për të thuhej: Po e drodhi bishtin, këputini një plumb pas qafe!
“Zona e interesit” është portretizimi i fajësisë
Fashizmi ka ndryshuar, por nuk ka vdekur
Përdorimi i fjalëve të huaja dhe disa huazime të sotme në gjuhën shqipe
Enver Hoxha në Berat në ditën ku u bë i famshëm dhe retushimi i një tjetër fotografie
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes