Përleshje masive në parlamentin e Ganës, më së keqi e pësoi një ministër

Ministri për Rininë dhe Sportin, Mustapha Ussif mori një grusht të rëndë kur shpërtheu kaosi në foltoren e parlamentit të Ganës të hënën, më 20 dhjetor 2021.

Sipas mediave të huaja, përcjell Telegrafi, deputetët janë përfshirë në një përplasje në sallën e Kuvendit gjatë votimit të projektligjit të diskutueshëm për E-taksë.

Përplasja thuhet se mori vrull kur kryetari i parë, Joseph Osei-Owusu [Joe Wise] e liroi karrigen për zëvendëskryetarin e dytë.

Lëvizja e Joe Wise ishte një përpjekje për të votuar për miratimin e projekt-ligjit të taksave elektronike, të cilin pakica e kishte kundërshtuar.

Scuffle breaks out in Parliament as the First Deputy Speaker, Joe Osei-Owusu vacates the chair for the second deputy speaker to preside, ostensibly so his vote could be counted. #JoyNews pic.twitter.com/aWu82AhSOD

— JoyNews (@JoyNewsOnTV) December 20, 2021

Pakica kishte pretenduar më herët se sipas rregulloreve të përhershme të parlamentit, Kryetari i Parlamentit nuk ka një votë vendimtare, megjithatë, Joe Osei-Owusu tregoi se ai do të votonte.

Pikërisht kur Joe Wise ishte gati të largohej që zëvendësi i dytë të merrte detyrën, pakica doli në skenë.

Në këtë proces, pakica u përplas me mazhorancën me anëtarët e të dyja palëve që shkëmbyen goditje.

Megjithatë, Mustapha Ussif, i cili mbronte anën e shumicës, u sulmua dhe u godit me grusht nga një deputet i paidentifikuar që ishte në anën e pakicës. /Telegrafi/