Bizneset në vend sot kanë afatin e fundit për deklarim dhe pagim të tatimeve për tremujorin e dytë të këtij viti.
Përkundër pandemisë dhe vështirësive financiare që kanë disa kompani, ato nëse nuk respektojnë këto afate ligjore do të gjobiten sipas ligjeve në fuqi.
Drejtori i Administratës Tatimore të Kosovës, Ilir Murtezaj, në një intervistë për KosovaPress deklaroi se nuk kanë dhe nuk pritet të ketë vendim tjetër për shtyrje të deklarimeve për pagesat e tatimeve.
Murtezaj thotë se deri dje nuk ka pasur numër të madh të atyre bizneseve që kanë deklaruar dhe paguar, megjithatë sipas tij trendi ka qenë pothuajse i ngjashëm me periudhën e njëjtë të vitit të kaluar.
“Tani më nuk kemi vendim tjetër për shtyrje të deklarimeve të pagesave të tatimeve dhe afatet e rregullta janë të tilla, të cilat tani më 15 korrik afat i fundit për deklarim dhe pagesë të tatimit ose paradhënie për këstet tremujore për tatim në korporata dhe tatim në të ardhura personale. Bizneset veç janë të njoftuara për këtë realitet. Besojmë dhe shpresojmë se të gjitha bizneset do t’i përgjigjen kërkesave ligjore për të deklaruar dhe paguar me qëllim të shmangies nga aplikimi i ndëshkimeve të cilat sistemi në mënyrë automatike do t’i aplikojë nëse deri më datën 15 korrik në orën 24:00 nuk deklarojnë e paguajnë tatimet ashtu siç kërkohet me ligj”, theksoi Murtezaj.
Drejtori i ATK-së pret bizneset t’i përgjigjen pozitivisht deklarimit dhe pagesave, teksa shton se kompanitë të cilat kanë vështirësi financiare mund të parashtrojnë kërkesë për marrëveshje të pagesave me këste, pasi që nuk mund të lirohen as ato biznese nga tatimi.
“Pritjet tona janë që bizneset do t’i përgjigjen pozitivisht deklarimit të pagesave të tatimeve, duke ditur sigurisht edhe për vështirësitë financiare që i kanë dhe krijimi i situatës së tillë, ku mund të themi të një shoku ekonomik për shkak të COVID-19 dhe sigurisht që kanë vështirësi për të paguar, mirëpo edhe në këto raste ligji krijon mundësi që të gjithë ato biznese të cilat kanë vështirësi financiare të deklarojnë obligimet tatimore dhe njëkohësisht mund të parashtrojnë kërkesën për hyrje të marrëveshjes së pagesës me këste”, thotë ai.
Murtezaj ka thënë se disa biznese kanë parashtruar kërkesa për shtyrje të tatimeve, por nuk ka një ligj dhe vendim sikur për dy herët e kaluara që ishte marrë vendim nga ish-ministri i Financave për zgjatje të afatit.
“Për tutje nuk kemi pasur vendime dhe as ligj për zgjatje të afatit. Nga informatat që unë i kam nuk pritet që të ketë ndonjë ligj i cili do të mundësojë shtyrjen e afatit të pagesave dhe deklarimit të tatimeve. Kjo është deri në këto momente dhe të paktën për shtyrje sigurisht që nuk do të ketë”, thekson Murtezaj.
Ndërsa, sipas drejtorit të ATK-së qarkullimi i bizneseve gjatë pandemisë ka rënë rreth 700 milionë euro.
Ndryshe, për shkak të COVID-19 gjatë muajt mars dhe prill ka pasur dy vendime për zgjatje të afateve për deklarim dhe pagesa të të gjitha llojeve të tatimeve deri më 15 maj. Ndërsa, për pagesën e tremujorëve që nënkupton paradhënien e kësteve për tremujor për tatim në korporata dhe tatim në të ardhura personale ishte zgjatur deri më 30 qershor. /Telegrafi/
Lufta Prigozhin - Putin
Më shumëShtrohet darka tradicionale për musafirët special të Panairit Horeca
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
Nga 26 Qershori, PrishtinaTicket shton dhe një destinacion të ri!
Diaspora solli në Kosovë mbi 112 milionë euro gjatë marsit
Telegrafi Jobs, busulla jote për karrierë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre