Raportimet e fundit që vijnë nga Italia, shkruajnë se Mattia Perin e ka pranuar ofertën e Juventusit, ndërsa tani po negociohet me Genoan.
Gianluigi Buffon pritet që të enjten ta zyrtarizojë pensionimin nga futbolli, ndërsa Bianconerët si portieri tjetër e kanë edhe Wojciech Szczesnyn që e kishin blerë sezonin e shkuar.
Në javën e shkuar u pa një interesim i Juventusit për Perinin, me drejtorin gjeneral Giuseppe Marotta, i cili i pranoi negociatat.
Mattia Perin. (Photo by Mario Carlini / Iguana Press/Getty Images)
Gazzetta dello Sport shkruan se Bianconerët e kanë si zgjedhje të parë për portier dhe duan ta sjellin në Torino.
Mësohet se Juve e vlerëson portierin 12 milionë euro, ku i kanë mbetur vetëm edhe një vit në kontratë.
Genoa nuk dëshiron të lëshojë pe nën 20 milionë euro dhe aktualisht ka diferenca të mëdha mes palëve.
Perin kapiten i Genoas. (Photo by Alessandro Sabattini/Getty Images)
Perin ka marrëveshje me Zonjën e Vjetër për një pagë prej 2.5 milionë euro në sezon.
Ai beson që mund të konkurrojë me polakun Szczesny për një vend në formacion. /Telegrafi/
