Përgatitje për “Apokalipsin”: Brenda bunkerit super luksoz të ndërtuar në SHBA (Foto)

Pas kërkesave të mëdha për ndërtimin e shtëpive të sigurta në rast të fatkeqësive apo ndonjë sulmi bërthamor, njerëzit tani mund ta shohin se si duket bunkeri super luksoz që po ndërtohet në Kansas të Shteteve të Bashkuara.

Larry Hall konsiderohet si ideatori i zhvillimit të këtij programi, që ai i referohet si “Vilat për mbijetesë”, transmeton Telegrafi.

Baza të fshehta nëntokësore që shërbenin për lansimin e raketave ishin ndërtuar gjatë viteve të 60-ta, nga inxhinierët e korpusit të ushtrisë amerikane gjatë Luftës së Ftohtë. Besohet se mbi 72 ishin ndërtuar në vende të ndryshme të Amerikës.

Që të gjitha apartamentet luksoze brenda këtij bunkeri tashmë janë shitur, edhe pse bunkeri është ende në ndërtim e sipër.

Projekti “Survival Condo” është një kompleks luksoz i ndërtuar 15 kate nën tokë nën ish-bazën ushtarake në Concordia të Kansasit, ku dikur shfrytëzohej për lansimin e raketave

Një apartament që shtrihet në 1.800 metra katrorë do të kushtojë 3 milionë dollarë, derisa ai me 900 metra katrorë për 1.5 milion dollarë. Ata me hapësirë më të madhe dhe orendi më të shtrenjta, do të shiten nga 4.5 milionë dollarë.

Ky bunker është i ndërtuar që t’i mbijetojë çfarëdo katastrofe apokaliptike: siç janë pandemitë globale shëndetësore dhe sulmet terroriste, duke përfshirë ato bërthamore, transmeton Telegrafi.

Brenda këtij bunkeri janë dizajnuar dritare që simulojnë pamjet e qytetit dhe rrezet e diellit, në mënyrë që banorët e tij t’i bëjë të ndihen thuajse nuk ka ndodhur asgjë e keqe jashtë.

Është interesant fakti se si brenda tij nuk mungojnë pishinat, sallat e modifikuara për adhuruesit e bjeshkatarisë, mobile luksoze, palestra fitnesi dhe salla kinemaje. /Telegrafi/