Përfshihen nga zjarri dy objekte e dy serra në Lipjan, një zjarrfikës dërgohet për tretman mjekësor

E plotësuar: Policia ka bërë të ditur se një zjarr ka përfshirë dy objekte, një me ushqim për kafshë dhe një me pajisje bujqësore si dhe dy serra në Lipjan.

Policia, zjarrfikësit si dhe kryetari i Lipjani Imri Ahmeti ndodhen gjithashtu në vendin e ngjarjes.

Zëdhënësja e Policisë për rajonin e Prishtinës, Flora Ahmeti, tha se si pasojë e tymit, njëri nga zjarrfikësit ka pranuar tretman mjekësor.

“Sot rreth orës 19:00, kemi pranuar informatën për një incident zjarri në  Lipijan. Bazuar në të dhënat e deritanishme, nga zjarri janë përfshitë dy objekte ( një me ushqim për kafshë dhe një me pajisje bujqësore) si dhe dy serra. Në vendngjarje janë zjarrfikësit dhe policia të cilët po merren me rastin. Për shkak të tymit, tretman mjekësor ka pranuar një zjarrfikës. Aktualisht ekipet e zjarrfikësve po vazhdojnë punën për lokalizimin e zjarrit”, tha Ahmeti.

Ndërkaq, ende nuk dihen shkaqet që kanë çuar deri tek shpërthimi i zjarrit.

***

Zjarr i madh përfshinë kooperativën bujqësore të shkollës “Adem Gllavica” në Lipjan

Kooperativën bujqësore e shkollës “Adem Gllavica” në Lipjan, është përfshirë nga flakët, këtë të enjte.

Zjarri ka përfshirë edhe fushat përreth.

Pamje ka publikuar faqja “Vrojtuesit e Lagjes -Lipjan”./Telegrafi/