Çdo nënë vendos për veten dhe beben e saj se sa duhet të zgjatë gjidhënia dhe se kur duhet ta ndal këtë proces.
Organizata Botërore e Shëndetësisë u rekomandon nënave që ta ushqejnë me gji beben deri në 6 muaj, dhe pastaj të vazhdojnë ta bëjnë këtë deri në 2 vjet apo më shumë, por njëkohësisht ta ushqejnë edhe me ushqime tjera – transmeton Telegrafi.
Dhe, patjetër se ka shumë përfitime shëndetësore që vijnë me këtë proces.
Bright Side ka zbuluar se cilat janë efektet pozitive të ushqyerjes me gji që zgjatë më shumë dhe si përfitojnë nëna e bebja.
Shëndet më të mirë dhe sistem më të fortë të imunitetit
Qumështi i gjirit ka shumë qeliza të bardha të gjakut, të cilat janë qeliza imune.
Kjo nënkupton se sa më gjatë që e ushqeni me gji beben, aq më shumë i forcohet sistemi i imunitetit direkt nga ju.
Veç kësaj, qumështi i gjirit i adaptohet atyre se për çfarë ka nevojë bebja, ndërkaq i përmban edhe antitrupat e duhur për t’i luftuar infeksionet e ndryshme.
Vlen të ceket se edhe kualiteti i qumështit të gjirit përmirësohet me kohën dhe, rrjedhimisht, aq më gjatë që e ushqeni me gji, aq më shumë përfitime shëndetësore i sjell bebes.
Ka efekte pozitive në funksionin e trurit dhe në sjellje
Mënyra se si zhvillohet mikrobiota e fëmijës mund të ndikojë në funksionet e trurit dhe t’i rregullojë sjelljet komplekse.
Gjidhënia ndihmon në përforcimin e mikrobiomës formuese të bebes duke e furnizuar me vlerat e nevojshme ushqyese.
Studime të shumta madje e kanë ndërlidhur gjidhënien me inteligjencë më të lartë.
Sidoqoftë, qumështi i gjirit përmban nutrientë të caktuar, siç është DHA-ja, e që mund të kenë efekte pozitive në zhvillimin e trurit të bebes.
Mikrobiomë e shëndetshme e zorrëve
Mikrobioma jonë, e cila është e rëndësishme për zhvillimin, nutricionin dhe imunitetin tonë, ndikohet nga gjidhënia.
Shkenca tregon se aq më gjatë që e ushqeni me gji beben, aq më e fuqishme bëhet mikrobioma e bebes.
Gjidhënia e përmirëson gjumin
Ushqyerja me gji mund t’i përmirësojë ritmet e zgjimit dhe gjumit te bebet.
Kjo për shkak të hormonit melatonin, të cilin e përmban qumështi i gjirit dhe që është i nevojshëm për gjumë.
Nutricioni i balancuar
Aq më gjatë që e ushqeni me gji beben, aq më shumë ndryshon qumështi juaj.
Kjo gjithashtu e furnizon beben me vlera më të mira ushqyese.
Një studim ka treguar se pas një viti, qumështi i gjirit ka nivele më të larta të yndyrës dhe energjisë, e të cilat ndikojnë pozitivisht te fëmija.
Lidhja me nënën
Sipas studimit, femrat të cilat e ushqejnë me gji beben për më gjatë, kanë ndjeshmëri më të madhe prindërore, madje edhe më vonë në jetën e fëmijëve.
PËRFITIMET PËR NËNËN
Përveç se ka efekte pozitive te bebja, ushqyerja me gji ka efekte pozitive edhe te nëna.
Disa prej këtyre përfitimeve janë:
– Ndihmon në humbjen e peshës
– Nënat kanë rrezik më të ulët të sëmundjeve kardiovaskulare
– Ndihmon në forcimin e eshtrave të nënës
– E ulë rrezikun e artritit reumatoid
– E ulë rrezikun e kancerit në vezore
– E ulë rrezikun e tipit 2 të diabetit. /Telegrafi/
Lufta Prigozhin - Putin
Më shumëNga Rubrika
Rregullat e modës që nuk duhet të ndiqni kurrë
Si të kujdeseni për kërthizën e fëmijës së porsalindur: Çfarë është më e rëndësishme dhe cilat janë shenjat e para të infeksionit
Trendi retro: Buzëkuqi kafe me një nuancë të ftohtë i përshtatet lëkurës më të hapur
Rregullat e modës që nuk duhet të ndiqni kurrë
Thonë se nuk ka grua më të bukur se ajo në planet: Bën seks katër herë në ditë
Mami! Po më dhemb koka!
Për një pamje më natyrale të vetullave, përdorni rimel dhe jo lapsa
Java e 38-të e shtatzënisë: Bebja juaj pret një moment për të hyrë në botë, por ju duhet t'i kushtoni vëmendje disa simptomave
Çfarë kuptimi kanë ëndrrat e shtatzënisë? Ja si shpjegohen
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj