Përfitimet e majme të Ozil për një vit, muaj, javë, ditë dhe orë – ndërsa ai nuk luan

Mesut Ozil për një kohë të gjatë ka qenë lojtari më i paguar i Arsenalit, ndërsa pas rinovimit të Pierre-Emerick Aubameyang (në shtator të këtij viti), besohet se sulmuesi nga Gaboni paguhet më shumë se mesfushori kreativ.

Mirëpo, kur kihet parasysh se futbollisti që e ka përfaqësuar Gjermaninë nuk po luan për Topçinjtë, përfitimet e tij janë të majme.

Më poshtë, mund të mësoni sa përfiton 32-vjeçari për një vit, muaj, javë, ditë apo orë:

Për një vit: 18 milionë funte (20 milionë euro)
Për një muaj: 1.5 milion funte (1.7 milion euro)
Për një javë: 350.000 funte (391.000 euro)
Për një ditë: 50.000 funte (56.000 euro)
Për një orë: 2.083 funte (2.330 euro)

Në janar të vitit 2018, Ozil nënshkroi kontratë trevjeçare dhe duket se do ta respektojë deri në fund, edhe pse Mikel Arteta nuk e përfshin në skuadrën e tij të parë.

Për më shumë, 31-vjeçari, i cili nuk ka luajtur që nga muaji mars, ka përfituar edhe bonusin prej tetë milionë funtesh që ishte përfshirë në kontratë, me kusht që ai ta respektonte atë.

Në ndërkohë, tifozët kanë filluar ta kërkojnë kthimin e tij në skuadër si pasojë e rezultateve jo të mira të Arsenalit. /Telegrafi/