Përballje interesante në javën e 20-të në Ipko Superligën e Kosovës, të gjitha ndeshjet në transmetim televiziv

Elita e futbollit kosovar është futur në javët më të nxehta.

Të premten (sot) dhe të shtunën zhvillohen gjashtë takimet në IPKO Superligën e Kosovës në futboll.

Edhe këtë javë kompania më atraktive në vend IPKO dhe Supersport do të sjellin të gjitha ndeshjet e Superligës së Kosovës në ekranet e juaja.

Tri ndeshje janë në program të zhvillohen sot nga ora 13:30, ndërsa tri të tjera nesër.

Kampioni në fuqi Drita do ta mirëpres Drenicën ku synon të rikthehet te fitoret, ndërsa kjo ndeshje transmetohet në SSK1.

Liria e Prizrenit nuk po kalon momente të mira këtë edicion dhe ndeshja ndaj Gjilanit mund të jetë kthesa për prizrenasit.

Ferizaj gjithashtu është në kërkim të pikëve, pasi pozita aktuale në tabelë e largon nga elita e futbollit kosovar.

‘Ujqit’ në javën e 20-të do të jenë mikpritës të gjysmëfinalistit të Kupës së Kosovës, Ballkanit nga Theranda.

Ndërkohë të shtunën do të zhvillohet supersfida e kësaj jave në Podujevë, ku Llapi dhe Prishtina do të jenë përballë njëra tjetrës.

Këtë takim që do të zhvillohet në stadiumin ‘Zahir Pajaziti’, IPKO e sjell në ekranet e juaja në përmes Super Sport Kosova 2.

Lideri aktual i Superlgiës, Feronikeli do të luaj në udhëtim te KEK-u, ndërsa Flamurtari në kryeqytet pret Trepçën ’89. /Telegrafi/

Orari i javës së 20-të në IPKO Superligën e Kosovës:

E premte
13:30 Drita – Drenica SSK1
13:30 Liria – Gjilani SSK2
13:30 Ferizaj – Ballkani SSK3

E shtunë
13:30 Llapi – Prishtina SSK2
13:30 KEK-u –Feronikeli SSK3
13:30 Flamurtari – Trepca 89 SSK5