Me rritjen e prodhimtarisë së verës, po vjen duke u shtuar edhe eksporti i verës kosovare drejt tregjeve të huaja.
Të dhënat e Departamentit të Vreshtarisë dhe Verëtarisë në MBPZRH, tregojnë se që nga janari i këtij viti e deri në gjysmën e dytë të muajit gusht, janë eksportuar rreth 2.4 milionë litra verë në tregjet e Bashkimit Evropian e më gjerë.
E zyrtarë të këtij departamenti tregojnë se sivjet ka pasur edhe kërkesa më të mëdha për ngritjen e vreshtave me varietete të rrushit për tryezë, pasi fermerët vreshtarë kanë parë kërkesën në rritje për tregtimin e varieteteve me rrush tryeze.
Bekim Hoxha, drejtor i Departamentit të Vreshtarisë dhe Verëtarisë, në MBPZHR, ka thënë se nga viti në vit po vjen duke u shtuar prodhimtaria e verës, dhe kjo po ndikon edhe në rritjen e eksportit drejt tregjeve të huaja.
“Sipas të dhënave që kemi,që nga janari e deri më 15 gusht të këtij viti, kompanitë prodhuese të verës nga Republika e Kosovës kanë eksportuar 2, 379,947.81 litra verë. Eksporti u realizua në 10 shtete prej tyre 7 në vendet e BE–së. Ndërsa, trendet e eksportit kanë vazhduar pothuajse me ritëm të njëjtë edhe pas muajit gusht dhe parashikimet janë se do të kemi një eksport prej 4,2 milion litra verë këtë vit. Mirëpo kjo do të vërtetohet në fund të vitit 2014 atëherë edhe kur do të bëhet kompletimi i të dhënave nga Doganat e Kosovës”, ka thënë drejtori Hoxha.
Ai tregon se në bazë të analizave, trendët e eksportit të verës kosovare vazhdimisht ngritën nga muaji qershor -shtator, atëherë kur kompanitë prodhuese edhe përgatiten për vjeljet e reja.
Po ashtu për këtë vit, ai thekson se ka qenë kërkesa e lartë për ngritjen e vreshtave me varietete të rrushit për tryezë, pasi fermerët vreshtarë kanë parë kërkesën në rritje për tregtimin e varieteteve me rrush tryeze.
“Analizat tona tregojnë për nevojën e ngritjes edhe për 2700 ha me vreshta për periudhën 2015 -2020, sidomos pas masave mbështetëse të MBPZHR-së, është rritur interesimi edhe në 7 zonat tjera vreshtare, gjithashtu vërehet një tendencë në ngritje me plantacione të vreshtave edhe në Kosovën qendrore dhe Anamoravë”, ka treguar Hoxha.
Ndryshe, në bazë të të dhënave që kanë ky departament, del se në gjashtë vitet e fundit, Kosova ka arritur të eksportojë mbi 34milionë litra verë në 24 shtete të ndryshme të rajonit dhe Evropës.
Ndërsa, në bazë të këtyre të dhënave, del se prodhimi i verërave ka shënuar rritje viteve të fundit, ku vetëm gjatë vitit të kaluar, verëtarët kosovarë kanë arritur të prodhojnë mbi 7, 682,425.00 milion litra verë.
Habib Dina, kryetar i Shoqatës së vreshtarëve “Zeri i Bujkut”, thotë se sivjet në masë të madhe janë dëmtuar vreshtat në Rahovec sipas tij, nga 2700 hektarë me rrush shumë pak prej tyre ka mbetur për eksport.
“Këtë vit kemi pas dëme të mëdha të rrushit, prej 2700 hektarëve sa ka të mbjellur, 700 hektarë janë me rrush tryeze të tjerët janë rrush për përpunim. Por ketë vite kemi eksportuar vetëm 7 tonë rrush nëpërmjet kompanisë Kelmendi”, tha ai.
Ai tregon se paratë e premtuara nga Qeveria e Kosovës janë duke i pritur pasi që deri më tani u është ndarë vetëm gjysma e tyre.
“Deri më tash kemi marrë 50 për qind të parave të premtuara nga qeveria, jemi duke pritur që gjatë këtij muaji ta marrim edhe pjesën tjetër”, thekson kryetari i Shoqatës “Zëri i Bujkut”, Habib Dina.
Ndërkaq, sipas Rregullores Nr. 1202/2013 të Parlamentit Evropian në lidhje me kuotat doganore për verë, Republikës së Kosovës i është ndarë fondi prej 20,000 hl ose 2 milionë litra për eksport si kuotë kombëtare. Po ashtu pjesë e kuotës nga kjo rregullore është edhe kuota globale ku përfshihen: Shqipëria, IRJ e Maqedonisë, Bosnja e Hercegovina , Mali i zi dhe Serbia me fond prej 30,000 hl ose 3 milion litra në të cilën kuotë edhe Kosova ka pjesën e saj preferenciale. /FermaIme/
Promo
Reklamo këtuLufta Prigozhin - Putin
Më shumëNga Rubrika
Zyra Kombëtare e Auditimit: Pesë ndërmarrje publike vazhdojnë të kenë mangësi në raportimin financiar
IPKO udhëheq në qëndrueshmërinë mjedisore dhe inovacionin në BunarFest dhe Festivalin e Aftësive Dixhitale
Lansohet Brainhero: Platforma AI që zhvillon kreativitetin e fëmijëve
"Holiday In Resort 2", Shëngjin - Investimi më i zgjuar që do të bëni
Kompania Turistike Shpejtimi ofron nisje çdo ditë në drejtim të Shëngjinit dhe Velipojës
Deri në 1 mijë euro për familje për të mbështetur instalimin e sistemit për energjinë e ripërtëritshme - hapet thirrja
Fito udhëtim në çift me IP Petrol!
Qeveria miraton ndryshimet në Ligjin për Zyrtarët Publikë
Qershia mbi tortë - Agusholli merr certifikatën e Sistemit të Sigurisë Ushqimore
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Vera më e nxehtë ndonjëherë? Ekspertët zbulojnë se çfarë mund të ndodhë në Evropë në muajt e ardhshëm
Luiz Ejlli ndez atmosferën në festën e Big Brother - Egla Ceno i bashkohet në skenë duke bërë 'twerk'
U raportua se ka blerë shtëpinë e Sergio Ramos në Madrid, por Mbappe ka marrë atë të legjendës tjetër të Realit
Koloneli shqiptar në Estoni tregon hapat e mbetur për Kosovën për t'iu bashkuar NATO-s
Maqedonci jep alarmin: Serbia ka vendosur tri brigada jo shumë larg kufirit me Kosovën
Pengu i Sylvinhos për Euro 2024 është që nuk mund ta marrë një lojtar që ka pësuar lëndim së fundmi