“Për një moment menduam se hyri Elvana Gjata në shtëpi”, ngjashmëria e madhe e Loredanës së BBVA me këngëtaren e njohur

Modelja Loredana, e cila është një nga banoret më të spikatura të edicionit të katërt të Big Brother VIP Albania, ka tërhequr vëmendjen e madhe të publikut për shkak të ngjashmërisë së saj të jashtëzakonshme me këngëtaren e njohur shqiptare, Elvana Gjata.

Gjatë spektaklit të së martës, dukja e Loredanës u bë një nga temat më të diskutuara në rrjetet sociale. Me flokët e saj të gjatë të krehura në mënyrë elegante dhe me një grim të sofistikuar, shumë ndjekës të BBVA komentuan se ajo dukej si “binjakja” e Elvanës.

Madje, edhe këngëtarja Vesa Luma e vuri re këtë detaj dhe nuk ngurroi të reagojë në Instagram. Ajo publikoi një story ku shkroi me habi: “Qyqe, mendova që ka hyrë Elvana! Uau, çfarë ngjashmërie!”.

Reagimet në rrjet nuk munguan, me shumë ndjekës që bënë krahasime dhe postuan foto të Loredanës dhe Elvanës krah për krah, duke theksuar tiparet e ngjashme midis tyre.

Disa fansa madje shprehën idenë se Loredana mund të kishte frymëzim stilistik nga Elvana, duke u shndërruar kështu në një nga personazhet më të komentuar të këtij sezoni të Big Brother VIP Albania. /Telegrafi/