Për bujqit në RMV, këtë vit mbi 120 milionë euro pagesa të drejtpërdrejta

Për bujqit këtë vit nga buxheti qendror do të sigurohen mbi 7,2 miliardë denarë ose mbi 120 milionë euro pagesa të drejtpërdrejta, tha sot kryeministri Hristijan Mickoski.

Siç theksoi Mickoski, duke iu përgjigjur pyetjes së gazetarëve pas vizitës në Komunën e Shtipit, deri nga fundi i vitit 2024 janë shlyer të gjitha borxhet e mbetura lidhur me subvencionet, e tani realizohen pagesat vijuese.

“Absolutisht ka para për pagesa të drejtpërdrejta të bujqve në buxhetin e ri. Prej se jemi Qeveri, vetëm vitin e kaluar, nga 24 qershori deri në fund të vitit 2024 janë transferuar mbi 70 milionë euro për bujqit, me çka janë shlyer borxhet dhe tani ka pagesa vijuese. Për vitin 2025 janë paraparë më shumë se 7,2 milionë miliardë denarë ose mbi 120 milionë euro pagesa të drejtpërdrejta për bujqt nga buxheti qendror”, tha Mickoski.

Kryeministri edhe një herë potencoi se bujqit janë prioritet i kësaj Qeverie.

“Në vitin 2024 kemi pasur rezultate të mira edhe te vreshtarët, kultuvuesit e mollëve, duhanit, përkrahje kanë marrë edhe ata që prodhojnë produkte të hershme kopshtare, kultivuesit e kumbullave, është siguruar treg edhe për orizin, grurin, elbin,…Në mënyrë të vazhdueshme ndihmohen bujqit, ashtu do të vazhdojmë edhe këtë vit”, tha Mickoski.