Pentagoni thotë se do të ‘shpejtojë’ dërgimin e raketave Patriot në Ukrainë

Pentagoni thotë se do të “shpejtojë” dërgimin e raketave të mbrojtjes ajrore Patriot dhe municionet e artilerisë në Ukrainë si pjesë e paketës së re të ndihmës ushtarake.

SHBA do të përdorë 6 miliardë dollarë për këtë qëllim, zbuloi të premten Sekretari i Mbrojtjes, Lloyd Austin.

Megjithatë, sistemet Patriot për lëshimin e raketave nuk do të dërgohen, shkruan BBC, përcjell Telegrafi.

Lexo po ashtu Zelensky tregon tri llojet e armëve që i duhen Ukrainës për të mposhtur Rusinë

Presidenti ukrainas Volodymyr Zelensky tha se Patriotët duheshin “urgjentisht” për t’u përballur me një kërcënim ajror në rritje rus dhe “mund dhe duhet të shpëtojnë jetë tani”.

Një burim konfirmoi për BBC se 6 miliardë dollarë ishin pjesë e një pakete ndihme prej 60 miliardë dollarësh të nënshkruar në ligj nga presidenti i SHBA-së, Joe Biden të mërkurën, e cila përfshin gjithashtu 1 miliard dollarë ndihmë më të menjëhershme.

E Austin theksoi në një konferencë shtypi se SHBA-ja po angazhohej për paketën e saj më të madhe të ndihmës për sigurinë deri më tani dhe do të “lëvizte menjëherë” për të dërguar furnizimet në Ukrainë.

Lexo po ashtu Ukraina tërheq nga vijat e frontit tanket amerikane Abrams për shkak të kërcënimeve nga dronët rus

Këto do të përfshijnë municionet e mbrojtjes ajrore, sistemet kundër dronëve dhe municionet e artilerisë, por jo sistemet e raketave Patriot.

Ai shtoi se ishte i bindur se më shumë sisteme raketore do të viheshin në dispozicion së shpejti për Kievin.

Bisedimet janë në vazhdim me partnerët evropianë, theksoi ai, për të ofruar kapacitete shtesë. /Telegrafi/