Paul Gascoigne rrëfen për veprimet e tij në të kaluarën, të cilat Ferguson nuk ia fali kurrë

Heroi i Anglisë, Paul Gascoigne zbuloi se trajneri legjendar Sir Alex Ferguson ende nuk e ka falur atë për refuzimin që i bëri Manchester Unitedit.

Skocezi ishte i vendosur të siguronte një transferim në vitin 1988, kur Gazza kishte disa paraqitje madhështore me Newcastlen.

Mesfushori sulmues ishte vetëm një hap larg kalimit në Old Trafford, por Tottenham rrëmbeu shërbimet e tij.

Tani 55-vjeçari zbuloi se u takua me Fergien jo shumë kohë më parë dhe trajneri legjendar i United ende mban inat ndaj tij për refuzimin e mundësisë për të punuar së bashku.

Ish-ylli i Rangers duket se pendohet për vendimin e tij dhe zbuloi se zgjodhi Spurs sepse ata u ofruan para dhe një telefon shtëpisë prindërve të tij, si dhe një makinë për babanë e tij.

Londinezët e Veriut ishin më të mirë se United në atë kohë, por Ferguson shpejt e ktheu skuadrën e tij në fitues botëror.

Lexo po ashtu Ferguson rikthehet te Manchester United

Gascoigne i tha Rob Moore: “Unë e pashë atë jo shumë kohë më parë, Alex Ferguson. Ai është 82 vjeç dhe ishte në një ndeshje vitin e kaluar. Kështu që më thanë, ‘Paul, Alex Ferguson dëshiron të të shohë ty’. Mendova, ‘Dreq, ja ku shkojmë përsëri’”.

“Dhe ai shkoi, ‘Si po shkoni?’. Unë i thashë: ‘Jam mirë, faleminderit’. Pastaj, ‘Ti bythë dreqi, pse nuk firmose për mua kur pate rastin, askush nuk më refuzon’”.

“Unë i thashë: ‘E di, më fal’. Ndërsa ai ma ktheu: ‘Ti ishe një lojtar i mirë atëherë, bir’”.

“Jam ende i mërzitur duke e parë atë, duke menduar: ‘Dreqin, çfarë trajneri’. Unë e refuzova Man Unitedin sepse Spurs i ofruan mamasë dhe babait tim një telefon shtëpie dhe 20,000 euro dhe babait tim një makinë”.

“Në atë kohë Spurs ishin më të mirë se Man United, ata ishin shumë më të mirë. Nuk ishte derisa nënshkrova për Spurs një vit më vonë që Fergie solli Becks (David Beckham), (Paul) Scholes dhe ata filluan të fitonin gjithçka. Atëherë mendoni, wow”, ka shtuar më tej ai.

Gascoigne, megjithatë, nuk ka asgjë tjetër veçse respekt për Ferguson pasi ai e përshkroi atë si “më të mirën në botë”.

Ish-ylli i Lazios këmbëngul se do të ketë shumë trajner të mirë në të ardhmen, por kurrë një Fergie tjetër. /Telegrafi/