Pasuria neto e R Kelly, këngëtarit të dënuar me 30 vjet burg lidhur me akuzat për abuzim seksual

R.Kelly është një kompozitor, producent dhe këngëtar amerikan që ka një vlerë neto prej 100 milionë dollarësh apo 95 milionë eurosh.

Këngëtari pati një sërë problemesh ligjore dhe humbi pasurinë e tij.

Robert Sylvester Kelly ka lindur në Chicago në vitin 1967.

Ai e kishte lënë shkollën e mesme për të ndjekur grupin e tij si muzikant.

R.Kelly fitoi shfaqjen e talenteve “Big Break”, me një çmim prej 100 mijë dollarësh (95 mijë euro) dhe kishte një kontratë me Jive Records në 1991.

Lexo po ashtu R Kelly dënohet me 30 vjet burg lidhur me akuzat për abuzim seksual

Ndërkohë që Kelly përfundoi hitin e tij të parë, ai filloi të prodhonte disqe për artistë të ndryshëm.

Në vitin 1995, R.Kelly shiti katër milionë kopje pasi kënga “I believe I Can Fly” u shfaq në krye të listave muzikore.

Gjatë karrierës së tij si këngëtar, R.Kelly publikoi 14 albume në studio, pesë albume përmbledhëse dhe tre albume në bashkëpunim.

Ai ka dhjetëra çmime dhe ka marrë pjesë në 12 turne në mbarë botën.

Pas gjithë polemikave të tij, gjyqtarja e Gjykatës së Qarkut në SHBA, Ann Donnelly e dënoi R.Kelly me 30 vjet burg.

BREAKING: R. Kelly was sentenced to 30 years in prison for running a scheme to recruit and sexually abuse women and children.

He still faces another trial for child pornography and other charges. pic.twitter.com/U1wNXViroT

— AJ+ (@ajplus) June 29, 2022

Në serialin dokumentar ‘Surviving R. Kelly’ 2019 , shumë nga viktimat e tij folën për mizoritë që ka bërë.

R. Kelly i mbante viktimat nën vëzhgim të vazhdueshëm dhe i mbante robër për të përmbushur kërkesat e tij seksuale.

I njëjti abuzoi me gratë e mitura për dekada, dhe ka pamje të tij duke rrëfyer krimet.

Pavarësisht gjithë kësaj, artisti thuhet të ketë një vlerë prej dy milionë dollarë afro dy milionë euro. /Telegrafi/