Pasojat e ardhjes së talebanëve në pushtet, prindërit afganë shesin foshnjën për 500 dollarë për t’i ushqyer fëmijët e tjerë

Familjet varfra afgane po detyrohen të shesin fëmijët e tyre për pak para, pasi me ardhjen e talebanëve në pushtet, janë ndërprerë fondet nga jashtë në vendin që ka një ekonomi tejet fragjile – duke bërë që ky vend të jetë buzë kolapsit.

Reporterja e BBC-së, Yogita Limaye, udhëtoi në një fshat në Herat në pjesën perëndimore të Afganistanit, për të folur me një nënë që shiti foshnjën e saj (vajzën) për 500 dollarë, me të cilat do të sigurojë ushqim për fëmijët e tjerë, transmeton Telegrafi.

Blerësi ishte një burrë i paemëruar i cili pretendoi se dëshiron ta rris vajzën me qëllim që ta martoj me të birin e tij, por nuk ka kurrfarë sigurie për qëllimet e tij.

Ai pagoi 250 dollarë avans, mjaftueshëm për të ushqyer familjen për disa muaj dhe tani do të paguaj pjesën tjetër, kur edhe do të kthehet ta marrë foshnjën.

“Fëmijët e mi të tjerë po vdisnin nga uria, kështu u detyruam ta shesim vajzën. Si nuk mund të jem e pikëlluar? Ajo është fëmija im. Do të doja të mos detyrohesha ta bëjë këtë”, tha nëna e saj për BBC. /Telegrafi/