Skuadra angleze Liverpool i ka befasuar të gjithë këtë edicion duke siguruar finalen e Ligës së Kampionëve.
The Reds kësisoj do të tentojnë të përforcohen edhe më shumë për edicionin e ri në Angli për ta ndjekur titullin.
E njëri nga futbollistët e parë që pritet t’i bashkohet është talenti i madh gjerman Max Meyer.
Reprezentuesi gjerman do të largohet në fund të sezonit nga Schalke si lojtar i lirë.
Max Meyer (Photo /Getty Images)
Schalke i ka ofruar vazhdimin e kontratës por Meyer ka deklaruar se po dëshiron një klub më të madh.
Kësisoj medait gjermane dhe ato angleze kanë raportuar ditën e sotme se Liverpooli ka gati transferimin e lojtarit.
Të kuqtë nga Anfield i kanë ofruar një kontratë katër vjeçare Meyerit me katër milionë euro pagë vjetore.
22-vjeçari këtë edicion ka shënuar vetëm një gol dhe ka bërë një asistim për Schalken.
Interesim për shërbimet e tij kanë shprehur edhe Roma, Milan, Arsenal dhe PSG. /Telegrafi/
