Pasardhësi i legjendës Concorde do të prezantohet në tetor

‘Boom Supersonic’ dëshiron të ndihmojë aviacionin tregtar supersonik të bëjë një rikthim.

“Nëse mund të fluturojmë dy herë më shpejt, bota do të jetë ‘gjysmë më e vogël’ dhe do t’i kthejë vendet e largëta në vende fqinje”.

Kjo është deklarata e misionit të ‘Boom Supersonic’. Me këtë në mendje, kompania planifikon të paraqesë një prototip të parë më 7 tetor, versioni i prodhimit i të cilit do të pasojë avionin legjendar Concorde, transmeton Telegrafi.

Prototipi me emrin XB-1 është një version i zvogëluar i modelit të mëparshëm.

XB-1 do të arrijë një shpejtësi prej 2.300 km/orë. Gama e tij thuhet se është 1.900 kilometra. Ndërsa prototipi do të paraqitet ende në vjeshtë, një fluturim nuk është planifikuar të ndodhë deri në vitin 2021.

For the first time since Concorde, a new supersonic civil aircraft will be unveiled. XB-1 rolls out this October. You're invited to see the event.

RSVP: https://t.co/Bzgmst1R4J#SupersonicReturns #XB1Rollout pic.twitter.com/PXdI2KuMvn

— Boom Supersonic (@boomaero) July 8, 2020

Nga Londra në Nju Jork në vetëm 3:30 orë

Avioni i vogël supersonik do të fluturohet nga një pilot me përvojë i Forcës Ajrore të SHBA-së. Testet pritet të bëhen në bazën e Edwards Airforce në Kaliforninë jugore.

Nëse testet me prototipin janë të suksesshëm, ‘Boom Supersonic’ do të zhvillojë versionin e serisë, i cili është tre herë më i madh.

Koha e fluturimit për itinerarin Londër – Nju Jork do të reduktohet në 3:30 orë, sipas faqes së internetit të kompanisë.

Se sa do të kushtojë një biletë ë aeroplan është ende e paqartë. /Telegrafi/