Pas 17 vitesh merr fund Calciopoli, Juventusi befasoi të gjithë me vendimin

Pas 17 vitesh ka marrë fund përfundimisht skandali më i famshëm në futboll i njohur si Calciopoli. Juventusi hoqi dorë nga shkalla e fundit, e cila çoi në pezullimin e procesit të ankimimit.

Kjo ishte një lëvizje krejtësisht befasuese e “Zonjës së Vjetër”, e cila prej vitesh ishte e përfshirë në një betejë ligjore për të “pastruar” emrin e tyre nga skandali në të cilin iu hoqën dy tituj dhe përfundimisht ranë në Serie B në vitin 2006.

Siç raporton Corriere dello Sport, Juventus ka hequr dorë nga ankesa në Këshillin e Shtetit, gjykatën më të lartë administrative, kundër Federatës Italiane të Futbollit dhe Interit, të cilët përfituan më së shumti nga përjashtimi i Juventusit.

Tifozët e Juventusit kanë shpresuar prej kohësh që një vendim i vitit 2016 që refuzonte apelin e Juventusit për “dëm të padrejtë” që rrjedh nga vendimi për t’i dhënë Scudetton Interit në vitin 2005, mund të anulohej.

🚨🚨Calciopoli: Juventus decides not to pursue the final appeal to the Council of State, closing the chapter after 17 years. pic.twitter.com/EW6oHR7RZ4

— Bianconeri Zone (@BianconeriZone) October 24, 2023

Në atë kohë, Juventusi kërkonte miliona euro dëmshpërblim për të kompensuar humbjet ekonomike dhe gjithashtu kërkuan që t’i anulohej titulli Interit.

Në fund, për zhgënjimin e shumë tifozëve të Juventusit, presidenti Ferrero firmosi tërheqjen e padisë, duke shënuar fundin përfundimtar të Calciopolit./Telegrafi/