Pas 12 fitoreve radhazi në Serie A, Juventusi ndalet me barazim nga Spali

Juventusi është ndalur në udhëtim te Spali, pasi kanë barazuar pa gola 0-0 në ndeshjen e vlefshme për javën e 29-të të Serie A.

Skuadra e Massimiliano Allegrit është ndalur me barazim nga Spali pas 12 fitoreve radhazi në Serie A.

Pjesa e parë e takimit ishte përafërsisht e barabartë, me Spalin që luante mirë në mesfushë e mbrojtje dhe me Juventusin që nuk mundte të krijonte raste, por vetëm të qarkullonte topin.

Rasti më i mirë në këtë pjesë ishte një goditje e Paulo Dybalas (45′), ku nga goditja e dënimit gjuajti pak mbi portë dhe skuadrat shkuan në pushim pa gola.

Në pjesën e dytë, Massimiliano Allegri futi në lojë edhe Mario Mandzukicin për të krijuar diferencë numerike në sulm, por rastet përsëri ishin të pakta.

Juventusi menaxhoi lojën dhe u mundua disa herë të tentonte golin, por Spali ishte renditur mirë në fushë dhe nuk lejoi asnjëherë të thuhet dhe në fund arritën një pikë shumë të vlefshme në luftën për mbijetesë.

Pas këtij barazimi, Juventusi mbetet në pozitën e parë me 75 pikë apo pesë më shumë se Napoli në vendin e dytë, por me një ndeshje më pak, ndërsa Spali zë pozitën e 17-të me 25 pikë.

Në ndeshjen e ardhshme, Zonja e Vjetër e pret në shtëpi Milanin, ndërsa Spali udhëton te Genoa. /Telegrafi/