Parodi në Islandë: Autoritetet e turizmit tallen me Metaversen e Zuckerbergut

Autoritetet e turizmit të Islandës janë tallur me Mark Zuckerbergun, themeluesin e kompanisë që tani quhet Meta. Drejtuesit e sektorit turistik të këtij vendi kanë vendosur të tërheqin një numër më të madh të njerëzve duke i ftuar në një destinacion të ri – “Islandverzum”.

Duke shfrytëzuar situatën, sektori i turizmit ka xhiruar një video promovuese të ngjashme me atë të Zuckerberg për “Metaverse” e tij. Promovuesit e turizmit islandez në video flasin për realitetin e ri, i cili do t’u japë vizitorëve eksperienca fenomenale, ashtu siç ka premtuar “Meta”.

Aktori dhe shkrimtari islandez Jorundur Ragnarson luan një personazh të quajtur “vizionari kryesor Zak Mosbergson”, i cili thotë “Sot dua të flas për një qasje revolucionare se si ta lidhim botën tonë pa qenë super i çuditshëm. Disa thanë se nuk ishte e mundur. Disa thanë se ishte e paarritshme”, transmeton Telegrafi.

Lexo po ashtu Çfarë saktësisht është ‘metaverse’ e paralajmëruar nga Facebook, për të cilin projekt po kërkon 10.000 njerëz në Evropë?

Ragnarson vesh të njëjtën bluzë dhe pantallona të zeza që ka veshur Mark Zuckerberg në videon promovuese. Personazhi nga “Islandverzum” madje përpiqet të kalojë nga dera ndërsa përpiqet të dalë, gjë që është një referencë e qartë për raportet se pronari i gjigantit të teknologjisë po pret që njerëzit t’i hapin derën.

Videoja tashmë është shikuar më shumë se 600 mijë shikime në YouTube, vetëm 200 mijë më pak se videoja zyrtare e Metës.

Kjo nuk është hera e parë që marka e re “Meta” përqeshet gjersa lansimi ka ngjallur tallje me akuza se kompania po përpiqet të fshijë kritikat e fundit.

Zuckerberg e pranoi parodinë duke iu përgjigjur se duhet të vizitojë “Islandverzum”.

“Në mënyrë të pabesueshme. Më duhet të udhëtoj në Islandverzum së shpejti. Më vjen mirë që po përdor edhe krem kundër diellit”, shtoi ai.

Lexo po ashtu Zuckerberg zbulon risitë për krijuesit në Metaverse, tregon se si mund të fitojnë para

Videoja përdoret tani në faqen e parë të faqes së internetit të ambasadës islandeze në Londër për të promovuar udhëtimin në ishull, ku atraksionet përfshijnë gejzerë, vullkane, burime të nxehta dhe dritat veriore.

Islanda ishte një destinacion popullor për turistët britanikë përpara se pandemia të zvogëlonte numrin e vizitorëve, edhe pasi ai vend ishte ndër të parët që u përfshi në listën e gjelbër gjatë verës.

Islanda kishte rreth dy milionë vizitorë në vitin 2019, por këtë vit thuhet se ky numër ka rënë në 700 mijë njerëz. /Telegrafi/