LAJMI I FUNDIT:

Parlamenti i Ugandës miraton projektligjin që dënon me burg ata që identifikohen si LGBTQ, vendos dënimin me vdekje për disa vepra

Parlamenti i Ugandës miraton projektligjin që dënon me burg ata që identifikohen si LGBTQ, vendos dënimin me vdekje për disa vepra

Parlamenti i Ugandës ka miratuar një nga legjislacionet më gjithëpërfshirës kundër LGBTQ+ në botë.

Aktet e të njëjtit seks ishin tashmë të paligjshme në Ugandë, por të martën mbrëma, ligjvënësit votuan për ndalimin e identifikimit si LGBTQ.


Sipas mediave të huaja, përcjell Telegrafi, ligjvënësit votuan me shumicë dërrmuese në favor të projektligjit të ri kundër homoseksualitetit, me vetëm dy nga afro 400 përfaqësuesit që votuan kundër tij.

“Urime”, tha kryetarja Anita Among. “Çfarëdo që po bëjmë, ne po e bëjmë për popullin e Ugandës”.

Dhe reagimi ndërkombëtar ka qenë i shpejtë.

Kombet e Bashkuara dhe Shtetet e Bashkuara kanë reaguar ndaj projekt-ligjit të vijës së ashpër të miratuar nga ligjvënësit në Ugandë që kriminalizon thjesht identifikimin si LGBTQ+, parashikon një dënim të përjetshëm për homoseksualët e dënuar dhe një dënim me vdekje për “homoseksualitetin e rënduar”, shkruan CNN.

Sekretari amerikan i Shtetit, Antony Blinken shkroi në Twitter se projektligji “do të minonte të drejtat themelore të njeriut të të gjithë ugandasve”.

Ai shtoi: “Ne i bëjmë thirrje qeverisë së Ugandës që të rishqyrtojë fuqimisht zbatimin e këtij legjislacioni”.

Ndërsa Komisioneri i Lartë i Kombeve të Bashkuara për të Drejtat e Njeriut Volker Türk e quajti atë një “zhvillim thellësisht shqetësues”.

“Nëse nënshkruhet në ligj nga presidenti, ai do t’i bëjë lesbiket, homoseksualët dhe biseksualët në Ugandë kriminelë thjesht sepse ekzistojnë, sepse janë ata që janë”, tha ai.

Uganda miratoi një ligj të mëparshëm kundër homoseksualitetit në vitin 2014, por gjykatat e hodhën poshtë atë për arsye procedurale.

Presidenti i Ugandës Yoweri Museveni, i cili ka folur në mbështetje të legjislacionit, pritet ta nënshkruajë atë në ligj. /Telegrafi/

Në trend Botë

Më shumë
Demografia evropiane - cili shtet ka natalitetin më të lartë dhe ku qëndron Kosova?

Demografia evropiane - cili shtet ka natalitetin më të lartë dhe ku qëndron Kosova?

Evropa
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe

“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe

Serbia
Vetëm dy vende do të mbijetonin pas apokalipsit bërthamor - çka do t'i shpëtonte këto shtete

Vetëm dy vende do të mbijetonin pas apokalipsit bërthamor - çka do t'i shpëtonte këto shtete

Botë
Izraeli kryen sulm ajror në Bregun Perëndimor, të paktën një i vdekur

Izraeli kryen sulm ajror në Bregun Perëndimor, të paktën një i vdekur

Azia
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë

Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë

Amerika
Hungaria vendos veto ndaj rezolutës së KiE - nuk mbështetet formula e paqes e Ukrainës

Hungaria vendos veto ndaj rezolutës së KiE - nuk mbështetet formula e paqes e Ukrainës

Evropa
Kalo në kategori