Parandalimi i mykut duke kontrolluar temperaturën në shtëpi

Rritja e temperaturave gjatë muajve të verës ndikon edhe në rritjen e mykut në shtëpi.

Lagështia e lartë dhe kondensimi gjithashtu mund të çojnë në një mjedis që mbështet rritjen e mykut.

Sipas hulumtimeve nga Universiteti i Kansas, myku rritet më së miri në temperatura më të larta, 25 deri në 30 gradë Celsius. Për të parandaluar këtë është e rëndësishme të mbani shtëpinë më të freskët dhe të mbani temperaturën nën 25 gradë.

Përveç ruajtjes së temperaturës, këtu janë edhe disa këshilla nga ekspertja e toksinës mjedisore Tonya Harris:

1. Lagështia relative nuk duhet të kalojë 55 për qind, dhe duhet të jetë nën 50 për qind.

2. Nëse kondicioneri juaj nuk funksionon si më parë, ju rrezikoni rritjen e mykut.

3. Kur kondicioneri punon normalisht në modalitetin automatik, nxehtësia dhe lagështia nga ajri hyjnë në rezervuarin e kondensimit dhe kjo kondensim del nga shtëpia juaj përmes një kullimi. Lagështia nuk do të mblidhet dhe të pikojë në enë, por shtyhet përsëri në shtëpi.

Sipas ekspertit për rehabilitim kundër mykut Michael Rubin, duhet të kontrolloni dritaret dhe dyert një herë në vit për të parandaluar mykun. Sigurohuni që ato janë të mbyllura mirë dhe nuk kanë boshllëqe ajri në të cilat mund të formohet kondensimi, thotë Rubin, sipas MindBodyGreen.