Paneli i diskutimit me temën “Dhuna me bazë gjinore në shoqërinë kosovare” mbahet të premten, me datën 10, në Galeria Shopping Mall

Në kuadër të kampanjës të organizuar nga UN Women “16 Ditët e aktivizimit kundër dhunës me bazë gjinore”, qendra tregtare GALERIA në Prizren organizon panelin e diskutimit me temën “Dhuna me bazë gjinore në shoqërinë kosovare”.

16 ditët e aktivizimit janë shënuar me aktivitete të shumta në qendrën GALERIA duke synuar ngritjen e vetëdijes tek shoqëria kundër çdo forme të dhunës në familje, punë, shkollë e në çdo ambient tjetër kur gratë dhe vajzat janë abuzuar dhe keqtrajtuar. Për të përmbyllur kampanjën #Orangetheworld, GALERIA Shopping Mall organizon panelin e hapur me panelistë: zyrtarja nga zyra e UN Women Kosovo Anesa Topko, Nadire Thaçi- Kryeziu gazetarja e parë në Radio Prizreni, psikolog Latif Hoxha si dhe drejtoresha e Strehimores për Gra dhe fëmijë, Jubilea Kabashi. Paneli mbahet të premten, më 10 dhjetor me fillim ora 14:00, në ambientin e qendrës.

Gjatë këtij paneli do të keni rastin të informoheni dhe diskutoni me panelistë nga organizata joqeveritare, ndërmarrje dhe institucione publike mbi shkaktarët, pasojat si dhe rastet e dhunës para dhe pas periudhës së pandemisë në shoqërinë tonë.

Informimi dhe ngritja e vetëdijes janë shkalla fillestare në luftimin e këtij krimi, raportimi dhe mbështetja është ndaj kësaj dukurie është përgjegjësi e secilit qytetarë.