Pamjet e para zbulojnë “katastrofën” që ka shkaktuar zjarri mbi ndërtesën shumëkatëshe në Londër (Video)

Disa pamje të publikuara nga mediat e huaja tregojnë dyshemenë e përmbytur të ndërtesës shumëkatëshe “Grenfell Tower” në Londër, me zjarrfikës të rrethuar nga rrënojat e shkaktuara nga zjarri që përfshiu këtë ndërtesë gjatë orëve të para të ditës së mërkurë.

Këto pamje të para brenda ndërtesës, siç shkruajnë mediat e huaja, përcjell Telegrafi, tregojnë përmbytjet dhe një pjesë nga tmerri me të cilin janë ballafaquar banorët pasi ata u përballën me rrezikun për vdekje.

Lexo po ashtu Ajo dhe fëmijët e saj ende nuk janë gjetur: Gruaja publikoi pamjet dramatike nga brenda ndërtesës së djegur në Londër (Video)

Ndër tjerash, të shkelurat mund të dëgjohen ndërsa kameramani depërton nëpër ujë në katin përdhes dhe shihet një “lumë” që shkon poshtë shkallëve.

Autoritetet britanike kanë njoftuar se deri më tani ka arritur në 17 numri i personave që kanë humbur jetën nga zjarri në ndërtesën 24 katshe.

Lexo po ashtu Zjarri mbi ndërtesën në Londër: Myslimanët e zgjuar në syfyr u kanë shpëtuar jetën shumë banorëve

Gjithashtu, përveç të vdekurve ishte raportuar se nga ky zjarr edhe një numër i konsiderueshëm i banorëve kanë pësuar lëndime.

Veç këtyre, ekipet e shpëtimit kanë thënë se: “Tragjikisht tani ne nuk presim të gjejmë një njeri të gjallë. Ashpërsia dhe nxehtësia e zjarrit do të thotë se do të ishte një mrekulli absolute nëse dikush do të mbetej gjallë”. /Telegrafi/