Pamje të ariut i cili hyri në kopshtin e një gruaje në SHBA, ndërsa relaksohet në pishinë dhe "bën një sy gjumë"

Një grua në Virxhinia e SHBA-së u befasua kur pa se një ari i madh zuri vend në oborrin e shtëpisë së saj dhe mori një sy gjumë në një pishinë të vogël.

Sipas medieve të huaja, përcjell Telegrafi, Regina Keller ishte duke ujitur lulet në kopshtin e saj, kur pa se një ari i kishte ardhur për vizitë.

Pamjet të cilat u shpërndanë gjerësisht në rrjetet sociale tregojnë vizitën e çuditshme të ariut.

Ai së parë adaptohet me natyrën e bukur të kopshtit e më pas vendos të shtrihet e të merr një sy gjumë. /Telegrafi/