Pamje prekëse nga Kharkivi, maturantët para shkollës së rrënuar dhe valsi i fundit i nxënësve

Maturat e shkollave, qoftë për atë filloret apo të mesmet, në përgjithësi janë një nga ditët më të lumtur tek të rinjtë.

Megjithatë, në kohën kur Ukraina është në luftë – të rinjtë në këtë shtet përfundimin e vitit shkollor nuk e kanë festuar siç e do tradita, transmeton Telegrafi.

Një prej qyteteve që nga fillimi i agresionit rus në Ukrainë ka përjetuar dëme të mëdha materiale si pasojë e bombardimeve të vazhdueshme është Kharkivi, ku përveç objekteve të rrënuara e kanë pësuar me jetë dhe shumë civilë.

Lexo po ashtu Adoleshenti që ndihmoi ushtrinë ukrainase të shkatërrojë kolonën e mjeteve ushtarake ruse, me dron i lokalizoi dhe siguroi koordinatat

E një prej objekteve të shumta është edhe shkolla që u godit rëndë nga bombat ruse. Vetëm tri ditë pas fillimit të agresionit, rreth 30 ushtarë rusë u futën në shkollë dhe më vonë atë e rimorën nën kontroll ushtarët ukrainas.

Kharkiv. School leavers are dancing the farewell waltz near the ruins of their school.

Source: @suspilne_news pic.twitter.com/R8lO0VMRx9

— Ukrainska Pravda in English (@pravda_eng) June 6, 2022

E fundi i vitit shkollor, maturantët po i pret jashtë bankave shkollore duke marrë parasysh se objekti është rrënuar plotësisht.

Para shkollës, nxënësit vallëzuan valsin që është bërë një vallëzim tradicional i të gjithë maturantëve në Ukrainë.

Lexo po ashtu Scholz: Rusia nuk do të mund të ruaj kapacitetet ushtarake që i kishte para luftës, për shkak të sanksioneve të vëna nga Perëndimi

“Në shkollat e Ukrainës, maturantët tradicionalisht vallëzojnë valsin pranë shkollës, derisa zilja e shkollës dëgjohet për herë të fundit. Kjo traditë është ndërprerë këtë vit për shkak të luftës”, shkruan e përditshmja ukrainase Pravda.

Prom 2022.

Kharkiv, Ukraine. pic.twitter.com/LbIXNEmXyD

— Ukrainska Pravda in English (@pravda_eng) June 7, 2022

Përveç valsit, disa prej maturanteve janë shfaqur para shkollës në fustane elegantë duke dërguar mesazh se pavarësisht luftës, jeta në këtë qytet nuk guxon të ndalet. /Telegrafi/