“Më pak viktimizim dhe më shumë qartësi”, presidenti i La Ligës ‘sulmon’ përsëri Barcelonën dhe Laportën

Presidenti i La Ligas, Javier Tebas ka vazhduar ofensivën kundër Barcelonës, duke i kërkuar homologut të tij, Joan Laporta, që të mos luajë më viktimën. Në vazhdën e ‘El Caso Negreira’, Tebas zbuloi gjithashtu se ata i kishin kërkuar UEFA-s që të shqyrtonte këtë çështje.

Tebas dhe Barcelona janë përplasur për një sërë çështjesh që kur Laporta u kthye në pushtet, duke përfshirë Superligën Evropiane, kufijtë e pagave në La Liga, marrëveshjen CVC dhe tani rastin Negreira.

Laporta e ka akuzuar Tebasin se ka një agjendë kundër Barcelonës dhe se është obsesion ta shohë të larguar nga pushteti.

Megjithatë, përgjigja e fundit e Tebas i ka kujtuar publikut se ende nuk ka asnjë fjalë zyrtare nga klubi për këtë rast.

Lexo po ashtu Laporta premton se do ta sqarojë rastin “Negreira”, ndërsa sulmon presidentin e La Ligas

“Laporta ende nuk ka dhënë asnjë shpjegim për atë që ka ndodhur. Ajo që unë do të thosha është se duhet të ketë më pak viktimizim dhe më shumë qartësi”.

Tebas vazhdoi t’i thoshte Cadena Cope se pavarësisht nëse kishte ndonjë ndikim te gjyqtarët apo jo, përpjekja për ta bërë këtë ishte e mjaftueshme për ndëshkim.

? @Tebasjavier, presidente de @LaLiga

? “Laporta sigue sin dar explicaciones. Mi consejo es menos victimismo y más claridad de lo que pasó”

?️ @ElGolazoDeGol

? #PartidazoCOPE pic.twitter.com/P06kKgxywZ

— El Partidazo de COPE (@partidazocope) March 8, 2023

“Shumë e trishtuar, ju duhet të hetoni. Duhet të dini nëse ka pasur ndikim apo jo. Sepse ndikimi mund të jetë i drejtpërdrejtë ose i tërthortë. Por është e hapur për hetim”.

“Vetëm synimi për të blerë një lojë ose për të ndryshuar rezultatin. Thjesht të veprosh duke menduar se mund të ndryshosh qëllimin e gjyqtarëve, madje edhe një emërim mund të jetë krim”.

Lexo po ashtu Shefi i La Ligas i bën thirrje Laportas të largohet nga posti i presidentit të Barcës për skandalin e pagesave të gjyqtarëve

Ai më pas konfirmoi se ishte La Liga ajo që i kishte kërkuar UEFA-s të shqyrtonte këtë çështje. Aftësia e tyre për të sanksionuar Barcelonën është e kufizuar nga statutet e tyre, që do të thotë se krimet më shumë se tre vjet më parë nuk janë të dënueshme.

“Meqë nuk mund të ndërhynim sepse ishte jashtë kufizimeve, i shkruam UEFA-s, diçka që institucionet e tjera nuk e bënë”, përfundoi presidenti i La Ligës.