Pa videon nga restoranti, britanikja pretendon se u shfaq bashkëshorti i saj që ndërroi jetë 9 vite më parë

Një video e publikuar së fundmi nga një restorant në Britani të Madhe, përkatësisht në qytetin Westborn, shfaq turmën dhe muzika që dëgjohej në prapavijë.

Videoja është e zakonshme derisa nuk u shfaq një koment, që shkaktoi mister që mund të habit edhe Sherlock Holmes, transmeton Telegrafi.

Sa është e vjetër videoja? Bashkëshorti im i ndjerë dhe djali i tij janë në film të videos. Bashkëshorti im ka vdekur në vitin 2014”, ka pyetur Lusi Watson.

Por menjëherë erdhi përgjigja e shpejtë lidhur me këtë mister.

“Përshëndetje Lusi. Na vjen keq për atë që dëgjojmë. Videoja është realizuar javën e kaluar”, thuhej në një përgjigje.

Videoja është realizuar brenda restorantit indian “Space Cotache” që u publikuar më 16 janar.

Videoja është shikuar mbi 19 mijë herë dhe ka nxitur përdoruesit që të kërkojnë përgjigje për misterin.

Watson nga Emswort tha për mediat lokale se është 99 për qind e bindur se në video shfaqet bashkëshorti i saj.

“E pashë në fillim të videos. Reagimi im i parë ka qenë ‘ ai është Harry’. Kurrë nuk kam parë kaq shumë njerëz brenda lokalit”, tha Lusi duke shtuar se bashkëshorti i saj prej më shumë se 10 vitesh nuk ka shkelur në atë restorant.

Gazetarët britanikë i interesoi nëse ishte shqetësuar për shkak të përgjigjes dhe videos që u realizua javën e kaluar.

“Nuk jam. Thjesht jam e habitur. Me një fjalë nuk po e kuptoj”, shtoi Lusi. /Telegrafi/