Operatorët turistikë në Maqedoni planifikojnë aranzhime më të shtrenjta për 20%

Hotelierët në Ohër se Strugë tashmë po negociojnë me operatorë turistikë të huaj për aranzhime më të shtrenjta për verën e ardhshme. Ata thonë se situata aktuale me faturat e larta të energjisë elektrike dhe rritja drastike e çmimeve të produkteve ushqimore e bëjnë joprofitabile funksionimin e tyre me çmimet ekzistuese.

“Shpresojmë që vitin e ardhshëm situata të qetësohet dhe me disa kontrata dhe çmime të reja që tashmë jemi duke negociuar, do të gjejmë një zgjidhje të përbashkët, ndaj të shohim se çfarë do të ndodhë më pas. Një minimum më i lartë prej 20% të paktën për operatorët turistikë të huaj, si mund të përshtatemi në gjithë këtë situatë”, u shpreh Pero Kutanoski, menaxher hoteli.

Këtë verë, mysafirët e huaj kanë paguar sipas çmimeve të dakorduara më parë, pavarësisht të gjitha rritjeve të çmimeve që ndodhën gjatë vitit. Por tani se aranzhimet më të shtrenjta do të jenë realitet pajtohen edhe Agjencia për Promovimin dhe Mbështetjen e Turizmit.

“Çmimet do të duhet të rishikohen, sepse do të duhet të përfshijnë sasinë e disa burime të energjisë të tjera. Nëse kemi rritje çmimi deri në 20 dhe 30%, madje edhe më shumë përqindje, pres të nivelizohen aranzhimet ose të rriten me një përqindje të caktuar”, deklaroi Ljupço Janevski – drejtor i një agjencie turistike.

Punëtorët turistikë shpresojnë që vitin e ardhshëm situata me luftën në Ukrainë do të stabilizohet ngadalë dhe se çmimet e të gjitha produkteve do të stabilizohen gradualisht./Alsat/