OPEC arrin marrëveshjen për shkurtimin e prodhimit botërore të naftës

Një marrëveshje historike e uljes së prodhimit të naftës është arritur midis OPEC dhe aleatëve të saj, të njohur si OPEC+, megjithëse gjatë diskutimeve u has një pengesë pasi Meksika nuk pranoi të pajtohej me pjesën e saj të shkurtimeve, pas një takimi maratonë midis shteteve prodhuese të naftës që zgjati më shumë se nëntë orë.

Anëtarët e tjerë të OPEC+, të udhëhequr nga Arabia Saudite dhe Rusia, më herët gjatë ditës janë pajtuar për shkurtime në prodhim, në kuotën e 10 milionë fuçive në ditë, pasi pandemia Coronavirus ka goditur kërkesën për naftë të papërpunuar dhe prodhimi i lartë deri tani kishte bërë që tregjet të përmbyteshin me naftë me çmime historikisht më të ulëtat.

Një deklaratë e lëshuar nga OPEC pas takimit përshkruante detaje të shkurtimeve por theksoi se masat ishin “pajtuar nga të gjitha vendet prodhuese të naftës OPEC dhe jo-OPEC që marrin pjesë në Deklaratën e Bashkëpunimit, me përjashtim të Meksikës, dhe si rezultat, marrëveshja është e kushtëzuar me pëlqimin e Meksikës”. /Telegrafi/