Oferta që Juventusi i bëri Chelseat për Lukakun, kur mund ta transferojë ‘Zonja e Vjetër’ belgun

QëJuventusi ka përgatitur një ofertë për sulmuesin e Chelseat, Romelu Lukaku, duke e bërë Interin të tërhiqet nga gara për belgun. 

Mediat shkruajnë sot Nerazzurrët kanë vendosur të heqin dorë nga nënshkrimi i sulmuesit 30-vjeçar këtë verë, të pakënaqur me bisedimet e tij me Juventusin dhe ftohtësinë e tij me klubin.

Siç shkruan Fabrizio Romano, Juventus ka përgatitur një ofertë për Lukakun, me vlerë 37.5 milionë euro me 2.5 milionë euro bonuse, që përputhet me çmimin e vënë nga Chelsea, prej 40 milionë euro.

Juventus bid for Romelu Lukaku ⚪️⚫️

◉ €37.5m plus €2.5m add-ons.

◉ Proposal ONLY valid if they’ll be able to sell Dušan Vlahović by August 4.

◉ Chelsea hope to sell Lukaku before August.

◉ Chelsea are NOT interested in Dušan Vlahović despite rumours of swap deal. pic.twitter.com/JFecUBaoJr

— Fabrizio Romano (@FabrizioRomano) July 15, 2023

Oferta e tyre është e vlefshme vetëm nëse arrijnë të shesin Dushan Vlahovic para datës 4 gusht.

Blutë nuk janë të interesuar për një marrëveshje të mundshme shkëmbimi që përfshin dy sulmuesit, pavarësisht raportimeve të ndryshme në media.

Lexo po ashtu Çfarë kishte thënë Lukaku për lëvizjen e mundshme te Juventusi në vitin 2021

Juventusi tani do të duhet të shpresojë të gjejë një blerës për sulmuesin serb, i cili vlerësohet në rreth 75-80 milionë euro, në javët e ardhshme nëse dëshiron të sigurojë një marrëveshje për Lukakun. /Telegrafi/