Ministri i Tregtisë dhe Industrisë Bajram Hasani ka qëndruar sot në Odën Ekonomike të Kosovës ku u takua me kryetarin Berat Rukiqi.
Pas takimit, Hasani dhe Rukiqi kanë thënë se kanë diskutuar për krijimin e mundësive më të mëdha në përkrahjen e bizneseve të vendit.
Kryetari Rukiqi tha se Ministria është partner natyral i Odës Ekonomike sepse politikat e tyre janë të lidhura direkt me zhvillimin e sektorit privat. Ndërsa për çështjet sektoriale Rukiqi tha se do të diskutohet në muajt në vazhdim, duke u trajtuar nga shoqatat. Siq tha ai, me më rëndësi është që mandate i CEFTA-s të mbyllet sa më mirë dhe promovimi i bizneseve të vendit.
“Si politike kyçe e Ministrisë është përkrahja e sektorit privat dhe partneriteti me shoqatat e biznesit, në këtë rast me shoqatën kryesore të biznesit që është Oda Ekonomike e Kosovës është shumë i rëndësishëm. Ministri erdhi me ofru këtë partneritet dhe prej të gjithëve ishte një vullnet për vazhdimin e diskutimit, ku ishin edhe prej sektorëve të ndryshëm këtu”, tha kryetari i Odës.
Duke thënë se furnizimi me energji elektrike është njëri nga faktorët kyç për zhvillimin e bizneseve dhe se kjo në bizneset e vendit nuk është i rregullt, Rukiqi tha se dje është arritur një marrëveshje në parim me KEDS-in për një zyre të përbashkët për mbikëqyrjen e punës së KEDS nga Qeveria dhe Oda.
“E kemi një harmonizim tashmë me ministrin që ta trajtojmë me prioritet ankesën kryesore të bizneseve, çështjen e energjisë elektrike. Ne dje e kemi arrite një marrëveshje në parim me KEDS-in që ta kemi një zyre, e cila do të jetë në funksion të furnizimit më të mirë me energji elektrike, investime në rrjet për biznese, avokimit të përbashkët për tarifën industriale që e kanë të gjitha vendet, të mundësive për të bërë Qeveria investime për ta fuqizuar ose përkrahë fuqinë konkurruese të bizneseve”, tha Rukiqi.
Ndërsa ministri Hasani tha se kjo është hera e parë që Qeveria po merr hapa konkret sa i përket sektorëve e sidomos atij të turizmit.
Për marrëveshjen me KEDS-in ministri tha se do të formohet një grup institucional për mbikëqyrjen e punës së KEDS dhe se kjo nuk nënkupton trysni ndaj tyre por duhet të gjendet siguri për zhvillimin e bizneseve.
“Është hera e parë që Qeveria e Kosovës po e merr një iniciativë, që sektorin e turizmit ta kthejë në sektor prioritar, besoj që koha do të tregoj se ka qenë humbje kohe që s’janë marrë masa deri më tani. Kjo e fundit sa i përket KEDS-it, jemi të interesuar të gjejmë modalitet dhe këtë e biseduam në fundit të takimit me kryetarin që ndoshta përpos pikës së kontaktit ta bëjmë që të jetë edhe pjesë e Këshillit Kombëtar nga përfaqësuesi i zyrës së përbashkët që të gjendet një mekanizëm, të formohet një grup institucional ndërministror që të ketë një mbikëqyrje më të rreptë KEDS-it ose kushdo qoftë që është investitor. Na nuk jemi me iu përzi ushtrimit të veprimtarisë të tij por jemi për me i mbrojte bizneset dhe nuk lejojmë që askush të luaj me bizneset tona”, tha ministri.
Hasani dhe Rukiqi thanë se duhet t’u krijohen kushte bizneseve e sektorit privat nëse duam zhvillim ekonomik të vendit. /Telegrafi/
Promo
Reklamo këtuLufta Prigozhin - Putin
Më shumëThemeluesit dhe ish-CEO, Changpeng Zhao, thuhet se i është bërë një ndalim i përjetshëm nga administrimi i Binance
Shmangni rreziqet e klorit, jepini shëndetit tuaj një zgjidhje të sigurt me Camelot
Stres i përditshëm? eBukura ju sjell këto dy produkte për një jetë më të qetë dhe të lumtur
Vapiano – Destinacioni i shijeve italiane në Prishtinë, tani me porosi online
Shijuat verën, por humbët formën? Ja si të riktheheni në formë pa pasur nevojë të dilni nga shtëpia
KF Deçiq, klubi shqiptar kampion në Mal të Zi, merr përkrahje nga Golden Eagle
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë tregonte harta dhe ‘plani i Netanyahu për Gazën’?
Çanak: Sulmi në Banjskë, fundi i luftimeve midis Serbisë e Kosovës
Kush i fiton zgjedhjet parlamentare të 9 shkurtit, komentojnë analistët
Çfarë kërkoi Rabiot që frikësoi Juventusin, Milanin dhe klubet në Turqi
Zbulohen top 10 lojtarët më të paguar te Man United - dominohet nga "dështakët"
San Marino merr fitoren e parë pas më shumë se 20 vitesh