Numër i lartë i rasteve me COVID-19 në Prishtinë, rreth 400 pacientë në ditë kërkojnë ndihmë mjekësore
Në Komunën e Prishtinës vazhdojnë të jenë aktive rreth 3 mijë e 400 raste me COVID-19, ndërsa brenda ditës në Qendrën e Mjekësisë Familjare në lagjen Emshir, ku trajtohen pacientët me coronavirus në kryeqytet po kërkojnë trajtim mjekësor deri në 400 persona.
Drejtori i Shëndetësisë në Prishtinë, Bujar Gashi thotë se gjatë kësaj periudhe në kryeqytet numri i personave me COVID-19 është jashtëzakonisht i madh.
“Rreth 3 mijë e 400 raste aktive janë deri tani, e që është një numër jashtëzakonisht i madh. E dini që në janar i kemi pas rreth 1 mijë raste aktive, tani është numri më i madh i këtyre rasteve”, deklaroi drejtori i Shëndetësisë në Prishtinë.
Gashi thotë se në Qendrën e Mjekësisë Familjare në lagjen “Emshir” trendi i pacientëve që po kërkojnë trajtim është pothuajse i njëjtë që nga fillimi i muajit mars. Ai thekson që brenda ditës në këtë qendër po marrin shërbime nga 300 deri në 400 pacientë.
“Qendra e Mjekësisë Familjare numër 7 vazhdon të mbajë një gjendje të njëjtë, ku afërisht prej 300 deri 400 qytetar kërkojnë ndihmë në këtë qendër”, theksoi Gashi.
Drejtori i Shëndetësisë në kryeqytet, Bujar Gashi deklaroi se Ministria e Shëndetësisë nuk i ka furnizuar me 18 artikuj të listës esenciale, por thotë se nga ky institucion kanë marrë konfirmimin se do të nisë së shpejti furnizimi.
Gashi deklaroi se përkundër që nuk janë furnizuar nga MSH, nuk kanë pasur mungesa për pacientët pasi kanë arritur të sigurojnë këto artikuj me kontratat vetanake të Komunës.
Ai tha se dy antibiotikët kryesore për trajtimin e pacientëve me coronavirus ndodhen në qendrën ku po trajtohen pacientët me COVID-19, në komunën e Prishtinës.
“Kemi pasur disa mungesa, vazhdojmë të kemi. Dje u informova se do të furnizohem me disa prej tyre, ne kemi nisur edhe disa procedura vetanake. Kanë qenë diku 18 artikuj të listës esenciale, barna dhe material shpenzues që kanë munguar thuajse tre muajt e fundit. Dje mora konfirmimin se do të furnizohemi me një prej tyre. E kemi iniciuar edhe një procedurë vetanake dhe po shpresoj që deri në fund të javës tjetër do i kompletojmë të gjitha. Mungesa të mëdha nuk ka pasur sepse nuk kemi lejuar. I kemi koncentruar ose centralizuar në Emshir që rasteve me COVID mos t’iu bie të dalin dhe të blejnë në sektorin privat për çështje elementare apo barna esenciale siç e diskutojmë një sistem infuzioni, një flaster, një kanill, një shiringë apo diçka tjetër, por një gjë të tillë nuk e kemi lejuar. Dy antibiotikët kryesorë i kemi pasur dhe vazhdojmë t’i kemi Cefriaksonin dhe Ciprofloxasin. Ka pasur mungesë të furnizimit me sisteme, me NaCl 100 ml, ka pasur mungesë furnizimi me flaster me vatë higjienike” , theksoi ai.
Ndryshe, nga 30 marsi në Kosovë ka nisur vaksinimi i personelit shëndetësor me vaksinën AstraZeneca. Ndërsa, nga data 8 prill ka nisur edhe vaksinimi i personave mbi moshën 85-vjeç. /Telegrafi/
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Çitaku: Rezultati i zgjedhjeve të përgjithshme do të jetë befasues
Rashiq për stërvitjet ushtarake serbe: Duan vetëm t’i tregojnë muskujt
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre