“Nuk do t’i shohësh më kurrë sytë e mi” – publikohet një audio-incizim që tregon arsyen se përse Johnny Depp nuk e ka shikuar në sy gjatë gjithë gjyqit Amber Heard

Gjyqi i vazhdueshëm mes Johnny Depp dhe Amber Heard është thuajse në përfundim, deri në vendimin final për t’u larguar përfundimisht nga martesa e tyre toksike.

Kjo betejë ligjore ka qenë shumë e çrregullt – ish-çifti ka bërë shumë akuza kundër njëri-tjetrit, duke pretenduar se kanë pësuar abuzim fizik dhe verbal nga duart e tjetrit.

Ndërkohë që Johnny tregoi anën e tij të historisë , Amber rrallë i hiqte sytë prej tij; megjithatë, nuk mund të thuhet e njëjta gjë për kohën e Amberit në qëndrimin e dëshmitares. Gjatë gjithë dëshmisë së Amber, shikuesit vunë re se Johnny nuk hodhi një vështrim në drejtim të ish-gruas së tij.

Pra, përse Johnny nuk e shikon në sy Amber Heard?

Pas një pauze njëjavore, beteja gjyqësore rifilloi me marrjen në pyetje të Amberit nga një prej avokatëve të Johnnyt, Camille Vasquez.

Avokatja theksoi se aktori nuk e kishte parë asnjëherë në sy gjatë gjithë gjyqit 36-vjeçaren.

Lexo po ashtu Chris Rock: Mund t’iu besoni të gjitha grave përveç Amber Heard

“Z. Depp nuk ju ka parë një herë në këtë gjyq, apo jo?”, Camille e pyeti, të cilës Amber u përgjigj: “Jo se e kam vënë re”.

Camille më pas vuri në dukje se Amber e ka parë yllin e “Pirates of the Caribbean” shumë herë gjatë gjyqit, duke thënë gjithashtu se ajo e dinte saktësisht pse Johnny nuk do të shikonte mbrapa tek ajo: “Ai ju premtoi se nuk do t’i shihnit më sytë e tij, apo jo”. A është e vërtetë?”.

Edhe pse Amber nuk e mbante mend të kishte dëgjuar ndonjëherë Johnnyn të thoshte këtë, Camille erdhi e përgatitur.

Avokatja me bazë në Orange County solli një regjistrim audio të çiftit të një prej takimeve të fundit në vitin 2016 dhe e lëshoi atë në të gjithë sallën e gjyqit.

“Unë nuk jam asgjë për ty dhe nuk do të jem asnjëherë”, i tha Depp – Heard. “Ne nuk do të shihemi më kurrë. Nuk do t’i shohësh më sytë e mi”.

@news.com.au Reply to @news.com.au “You will not see my eyes again” ➡️ Looks like Depp kept his word. #amberheard #johnnydepp #deppvsheard ♬ original sound – News.com.au

Amber shpjegoi në gjyq se përse beson se ish-burri i saj nuk do ta shikojë atë.

“Ai është fajtor dhe e di që po gënjen. Përndryshe, pse nuk mund të më shikojë?”, deklaroi ajo.

Amber shtoi duke e parë drejtpërdrejt Johnnyn. “Unë mbijetova … Unë i mbijetova atij njeriu, dhe unë jam këtu dhe jam në gjendje ta shikoj atë”.

Theksojmë që Johnny e ka paditur ish-gruan për një opinion të bërë në 2018 në Washington Post, ku kishte thënë se ishte viktimë e dhunës në familje. /Telegrafi/