LAJMI I FUNDIT:

Nuk ndalet rritja e çmimeve në Shqipëri, inflacioni arrin 6.2 për qind në prill

Nuk ndalet rritja e çmimeve në Shqipëri, inflacioni arrin 6.2 për qind në prill
Foto: Olsi Shehu/Anadolu Agency

Rritja e çmimeve në Shqipëri nuk ka të ndaluar, duke kapur rekorde të reja për çdo muaj. 

Sipas të dhënave të publikuara sot nga instituti i statistikave INSTAT, indeksi i rritjes së çmimeve arriti në 6.2 për qind në muajin prill, në krahasim me 1.9 për qind që ishte në të njëjtin muaj vitin e kaluar.

Të dhënat tregojnë se rritja e çmimeve në muajin prill është rritja më e fortë e çmimeve e regjistruar në vend që nga viti 2001, kur inflacioni ishte 7.6 për qind.

Ndryshimi mujor i indeksit të çmimeve të konsumit në muajin prill 2022, krahasuar me mars 2022 është 0.7 për qind.

Inflacioni është pothuajse dy herë më i lartë se objektivi prej 3 për qind i Bankës së Shqipërisë, që konsiderohet dhe niveli ku rritja e çmimeve është e shëndetshme.

Rritja vjetore e çmimeve në muajin e katërt të vitit është nxitur nga rritja e çmimeve të ushqimeve dhe pijeve joalkoolike me 3.56 pikë përqindje, i ndjekur nga transporti me 1.23 pikë përqindje, ndikuar nga çmimet e karburanteve që qëndruan në nivele rekord përgjatë gjithë muajit.

Por nëse rritja deri në fillim të vitit kishte ardhur kryesisht nga mallrat e importit dhe kostot e shtuara të bizneseve për transportin dhe energjinë, dy muajt e fundit tregojnë për rritje çmimesh për kategori si argëtimi dhe kultura, veshjet, etj.

Të dhënat paraprake nga Eurozona tregojnë se me stabilizimin e çmimit të energjisë elektrike, inflacioni mund të ketë prekur kulmin e tij. Por në vendin tonë do të pritet edhe periudha e verës, kur hotelet dhe restorantet kanë njoftuar rritje të mëtejshme çmimesh. /Telegrafi/

Në trend Lajme

Më shumë
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Një derë e re për drejtësi: Si do të mund t'i drejtohen kosovarët Gjykatës së Strasburgut?

Një derë e re për drejtësi: Si do të mund t'i drejtohen kosovarët Gjykatës së Strasburgut?

Drejtësi
Gjendet në një humnerë personi i raportuar si i zhdukur në Prevallë

Gjendet në një humnerë personi i raportuar si i zhdukur në Prevallë

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Juristat e UP-së të tretët në botë në garën ndërkombëtare për drejtësi

Juristat e UP-së të tretët në botë në garën ndërkombëtare për drejtësi

Arsim
Kalo në kategori