Nuk e zhdoganoi unazën prej mbi 3000 euro, paditet shtetasi i Maqedonisë

Pas konstatimit të parregullsive, Drejtoria e doganave të Maqedonisë ka ngritu 12 padi penale ndaj 5 personave juridik dhe 12 personave fizik, përcjell Telegrafi Maqedoni.

Xh.A, G.A, Z.L, që të gjithë shtetas të Shqipërisë, si edhe E.M nga Maqedonia, janë paditur për prodhim të paautorizuar dhe lëshim në qarkullim të drogave narkotike, substancave psikotrope dhe prekursorëve.

Padi penale janë ngritur edhe ndaj N.J.T për shkak të mosparaqitjes në doganë të një unaze me vlerë prej 198.630 denarësh (mbi 3000 euro), si edhe ndaj O.J, për shkak se nuk ka paraqitur në doganë, mall me vlerë prej 1.362.667 denarëve (rreth 22 mijë euro).

A. K është paditur për kontrabandë të 850 boksave të cigareve ”Montecarlo” dhe 400 boksave ”Benton”. Pesë padi penale janë ngritur për ”shkelje të së drejtës së pronësisë industriale dhe përdorim të pautorizuar të firmës së huaj” ndaj një kompanie në Tetovë dhe një në Strugë, tre firmave në Shkup, si edhe për personat udhëheqës të firmave./Telegrafi/