“Nuk e gjykoj”, Guardiola pretendon se nuk i bën presion Haalandit për të shënuar gola

Pep Guardiola deklaroi se Erling Haaland nuk ka ndonjë presion për të shënuar më shumë gola pasi dy golat e tij ndihmuan të mposhtnin Young Boys të mërkurën mbrëma në Ligën e Kampionëve.

Haaland ka hasur në vështirësi këtë fillim sezoni duke qenë ‘larg’ nga shifrat e sezonit të kaluar sa i përket shënimit të golave, por Guardiola ka thënë se nuk ka presion ndaj tij.

“Ekziston përshtypja pas sezonit të kaluar se ai duhet të shënojë shtatë gola në çdo ndeshje. Kjo është e pamundur. Por, ai po shënon shumë gola dhe nëse njerëzit duan që ai të dështojë sepse ai e bën këtë. Nuk ka rëndësi të shënoj 50 gola. Ai është gjithmonë aty”, ka thënë fillimisht Guardiola për faqen zyrtare.

Lexo po ashtu Manchester City merr fitoren e tretë në grup, viktimë e radhës Young Boys

“Goli i dytë ishte vërtet i mirë dhe ai pati raste të tjera. E rëndësishme është t’i krijojmë ato. Ndoshta në momentin e duhur të sezonit ai do të jetë atje, më mirë se tani, por ai tashmë ka shënuar shumë gola dhe ne jemi me të vërtetë të kënaqur”.

“Unë i kam thënë shumë herë se nuk e gjykoj për golat, megjithëse e di që ai dëshiron të shënojë gola. Ai ka dëshirë të përmirësohet dhe nuk kam dyshime për këtë”, përfundoi trajneri i Cityt.

Haaland shënoi dy gola në pjesën e dytë, ndërsa City siguroi një fitore 3-1 ndaj skuadrës zvicerane në ndeshjen e tyre të Ligës së Kampionëve, e cila u zhvillua në terrenin artificial në stadiumin Ëankdorf të Bernit. /Telegrafi/