Nuk anulohet ndeshja: Drita do të përballet me Linfieldin në një lokacion të ri – pritet vetëm konfirmimi zyrtar nga UEFA

Tashmë është e konfirmuar se Drita po rikthehet në Kosovës, pas problemeve që iu shfaqën në testet për COVID-19.

Kampioni i Kosovës në futboll do të përballej në Zvicër me Linfieldin në parakualifikimet e Ligës së Kampionëve, mirëpo autoritetet zvicerane në bashkëpunim me UEFA-n, nuk lejuan që takimi të realizohej.

Në testimet e fundit të bëra ndaj lojtarëve të skuadrës gjilanase, Hamdi Namani rezultoi pozitiv, derisa Bujar Shabani e Fidan Gerbeshi që ishin të infektuar, në një hapësirë kohore pre dy ditësh, rezultuan negativ.

Lexo po ashtu Përmes një foto të publikuar nga Kastriot Rexha: Drita po rikthehet në Kosovë, UEFA pa vendim zyrtar rreth rezultati të ndeshjes

Por, sipas burimeve të Telegrafit brenda kampit bardheblu, ndeshja nuk do të anulohet nga UEFA dhe Linfelidt nuk do të fitojë me rezultat zyrtar 3-0.

Drita pritet që brenda pak çastesh të aterojë në aeroportin ndërkombëtar të Prishtinës, për të pritur më pas vendimin zyrtar nga shtëpia e futbollit evropian.

Kampioni i Superligës së Kosovës do të ketë shansin që të zhvillojë përballjen ndaj Linfieldit për parakualifikimet e Evropës në një takim të shtyrë për së paku dhjetë ditë.

Nga burimet e Telegrafit, mësohet se Drita do të luajë në Gjermani ose Francë përballjen e mbetur pezull, në mënyrë që të konfirmohet në fushë se kush kalon në rrethin tjetër të garës më të madhe për klube në Evropë.

Lexo po ashtu Drita kthehet sot në Kosovë - pritet vendimi zyrtar nga UEFA për rezultatin e ndeshjes

Klubi gjilanas me reagimin e tyre të bërë të martën e kësaj jave, duket se ka ndikuar te UEFA, në mënyrë që këta të fundit të reflektojnë pozitivisht në gjendjen e krijuar dhe mos të anulojnë ndeshjen.

Ishte raportuar edhe në mediat ndërkombëtare se Drita mund të humbë ndeshjen në tavolinë, gjë që do të ndodhte për herë të parë në histori të garës, mirëpo situata ka filluar tashmë të qartësohet. /Telegrafi/