NRG Band dhe shije italiane në Prishtina Gastronomy Festival!

Mbrëmja e dytë e edicionit të 4-të të Prishtina Gastronomy Festival u hap me një festë të vërtetë dhe me aktivitete të ndryshme që kënaqën çdo grupmoshë.

Nata nisi me degustimet falas të Ducato di Mantova, që solli kuzhinën italiane në Prishtinë. Vizitorët patën mundësinë të shijojnë pjata të përgatitura me mjeshtëri, duke përjetuar shijet e Italisë në zemrën e Prishtinës.

Pas këtyre degustimeve të shijshme, skena u pushtua nga performanca e NRG Band. Me energjinë e tyre dhe hitet që i kanë bërë të famshëm, NRG Band krijuan një atmosferë që i mbajti të gjithë të pranishmit të kërcenin dhe të këndonin gjatë gjithë natës.

Por, festivali është i të gjithëve, përfshirë edhe më të vegjëlit. Aktivitetet për fëmijë përfshinë lojëra dhe kënde argëtimi që mbajtën fëmijët të angazhuar dhe të lumtur gjatë gjithë mbrëmjes.

Një moment i veçantë i natës ishte prania e një grupi të veçantë vizitorësh që festonin 30-vjetorin e maturës së tyre. Ata u bashkuan në këtë festë të madhe për të rikujtuar kohët e kaluara dhe për të krijuar kujtime të reja në një atmosferë plot gjallëri dhe kënaqësi.

Prishtina Gastronomy Festival vazhdon të ofrojë përvoja unike që bashkojnë të gjitha gjeneratat dhe shijojnë shijet dhe zërat më të mirë.

Mos e humbisni mundësinë për të qenë pjesë e kësaj feste të madhe që do të zgjasë deri më 9 gusht në sheshin “Adem Jashari”.