Notat e lojtarëve, Arsenal – Manchester United: Bayindir ‘hero’ i mysafirëve

Manchester United është kualifikuar në raundin e ardhshëm të FA Cup, pasi kanë mposhtur Arsenalin në ‘Emirates’ pas ekzekutimit të penalltive me rezultat 5-3.

Pas 90 minutave të luajtura ky derbi nuk prodhoi fitues dhe përfundoi me rezultat të barabartë 1-1 duke bërë që sfida të shkojë në vazhdime.

Edhe në vazhdime rezultati mbeti i njëjti si ai i kohës së rregullt dhe u desh ekzekutimi i penalltive, aty ku lojtarët e Unitedit u treguan më të saktë duke fituar me rezultat 5-3.

Për paraqitjen fantastike që pati gjatë tërë kësaj ndeshje, lojtari më i mirë nga Sofascore u shpall Altay Bayindir i cili u vlerësua me notën 8.6.

Me paraqitje të mira tek Unitedi u dalluan gjithashtu edhe Harry Maguire, Alejandro Garnacho dhe Bruno Fernandes që morën notën 7.5.

Lexo po ashtu I rezistuan me 10 lojtarë në fushë, Man United eliminon Arsenalin pas penalltive në FA Cup

Në anën tjetër tek Arsenali lojtari më i vlerësuar si dhe më i miri i ndeshjes ishte Martin Odegaard që mori notën 8.8.

Pas tij me paraqitje të mira u vlerësuan edhe Gabriel Magalhaes dhe Jorginho (7.4) si dhe Gabriel Martinelli (7.2).

Dështimi i ndeshjes doli të jetë Diogo Dalot me notën 5.1 i cili u përjashtua nga loja pas 61 minutave pas dy kartonëve të verdhë.

Notat e lojtarëve tjerë të të dyja skuadrave:

 /Telegrafi/