Njihuni me kartelin “Cali” që trashëguan Eskobarin: Ata u quajtën “zotërinj” dhe furnizuan 90 për qind të tregut të drogës në botë (Foto)

Pablo Eskobar, është vrarë më 2 dhjetor 1993, por reputacioni i tij ekziston edhe sot e kësaj dite. Por, megjithëse për një kohë të gjatë ka “udhëhequr” nëntokën kolumbiane, ai nuk ishte i vetmi “lojtar”.

Dhe kur themi se kishte edhe të tjerë, gjithsesi, duhet të themi se bëhet fjalë për grupin “Cali Cartel”.

Shefat e kartelit rival Cali, nga qyteti me të njëjtin emër në jugperëndim të Medeljin, kanë qenë vëllezërit Rodrigez Orejuela, Miguel dhe Gilberto.

Siç thuhet më tej, përcjell Telegrafi, këto dy kartele kanë bashkëpunuar gjatë viteve 80-ta, kanë organizuar grupe të armatosura që luftuan kundër kidnapuesve dhe kanë punuar në “stabilizimin” e tregut të drogës, si dhe në ndarjen e tregut amerikan.

Por, ata edhe më tej vazhdonin të ishin rivalë. Shefat e “Cali” thuhet se ishin prapa tentim vrasjes së Eskobarit, kur kishin punësuar vrasës të paguar që nuk kanë arritur të vrasin atë në vitin 1989.

Kush është karteli “Cali”?

Përveç vëllezërve Rodriguez, karteli u themelua nga Jose Santacruz Londono, i njohur më mirë si Chepe apo Don Chepe.

Ata u ndanë nga Eskobari dhe bashkëpunëtorët e tij në fund të viteve 1980, kur atyre iu bashkua edhe Helmer Herrera, i quajtur edhe Pacho. Pastaj ata u bënë një “komitet ekzekutiv” prej katër anëtarësh i cili udhëhoqi me kartelin.

Me lidhjet me vrasësit e paguar, bashkëpunëtorë në vende të ndryshme, spiunë të panumërt dhe informatorë nga shteti, si dhe falë rrjetit të tyre të inteligjencës dhe zbulimit të inteligjencës në qytetin e Santiago de Cali, karteli u nga DEA u quajt edhe si “sindikata më e fuqishme kriminale në histori”.

Në kulmin e sundimit të kartelit “Cali”, ata kontrolluan mbi 90 për qind të tregut botëror të kokainës dhe ishin drejtpërdrejt përgjegjës për rritjen e tregut të kokainës në Evropë, ku kontrollonin 90 për qind të tregut. Nga mesi i viteve ’90, mbretëria e “Cali”-t ishte me vlerë disa miliardë dollarë.

Themeluesit, vëllezërit Rodrigez dhe Chapo Santakruz, dolën nga, siç përshkruanin ata, një nivel më i lartë shoqëror nga shumica e shpërndarësve të drogës. Një gjë e tillë mund të vërehet edhe nga nofka e grupit të tyre – “Zotërinjtë nga Cali”.

Thuhet se ata fillimisht u përfshinë në tregtinë e marihuanës. Për shkak të nivelit të ulët të përfitimeve, karteli vendosi të ripërtërijnë fokusin në diçka tjetër – kokainën.

Në fillim të viteve 70-ta, karteli në New York angazhoi Pacha Herreran për të krijuar një qendër shpërndarëse.

Kjo ishte koha kur DEA nuk ishte plotësisht në ndjekje të kokainës dhe e shihte si drogë më pak kritike se heroina. Mendohet se ky “lëshim” i DEA-s lejoi që karteli “Cali” të përparonte.

Grupi u zhvillua dhe organizoi disa “qeliza” të cilat funksionuan si të pavarura, por se i kanë dhënë raportime menaxherit, i cili ato të dhëna i përcillte Horhe Albert Rodrigezit (djalit të Gilbert Rodrigez), e ai kryesuesve të “Cali”.

E për të shpërlarë paratë nga shitja e drogës, siç thuhet më tej, karteli ka investuar shumë mjete në ndërmarrje të ligjshme biznesi, si dhe në kompani të mëdha.

Gilberto Rodrigez, i njohur edhe si “lojtar shahu”, kishte një reputacion të një njeriu të biznesit. E vëllezërit Rodrigez dhe partnerët e tyre, të cilët më vonë u bënë “biznesmenë”, kishin një emër të madh në publik. /Telegrafi/