Njiheni lëkurën tuaj

Lëkura dallon nga një person te tjetrin dhe së bashku me të dallon edhe mënyra e kujdesit për të. Para se të përcaktoni mënyrën se si do të kujdeseni për lëkurën tuaj, mësojeni llojin të cilës i takon ajo.

• E thatë: Për shkak të mungesës së ujit (dehidrimit) dhe tajitjes së pamjaftueshme të sebumit, lëkura është e hollë, e ndjeshme, lehtë ngacmohet dhe qërohet. Shumë lehtë reagon në ndikime të jashtme. Është e hollë, skuqet lehtë.

• E yndyrshme: është me shkëlqim dhe e yndyrshme në prekje. Është e ndjeshme ndaj infeksioneve dhe përtëritet ngadalë.

• E kombinuar: Disa pjesë të fytyrës (balli, mjekra) janë të yndyrshme, ndërsa pjesët e tjera (faqet dhe lëkura rreth syve) janë të thata.

• E ndjeshme: I nënshtrohet skuqjes, ka kapilarë të zgjeruar, të cilët në faqe ose në mollëza krijojnë një lloj rrjete në ngjyrë vjollcë. Është e shpeshtë te personat emotivë, të cilët kanë kapilarë të ndjeshëm.

Hapi i parë që duhet të bëni për një kujdes sa më të mirë të lëkurës tuaj është të vizitoni një dermatology, shkruan Mjeku.net. Mjeku specialist i lëkurës do ta kontrollojë me kujdes dhe do të analizojë lagështinë e lëkurës, tajitjen e sebumit, thartirën e lëkurës, elasticitetin dhe tendosjen. Ai/ajo më pas do të jetë në gjendje t’u japë këshillat e duhura dhe preparatet më të mira të cilat i përshtaten lëkurës tuaj. /Telegrafi/