Njësitet që luftojnë kartelat e drogës, angazhohen për të mbajtur nën kontroll festimet e shfrenuara të pushimeve pranverore të studentëve (Foto)

Turiste me rroba të shkurtra që iu zbulojnë shumë lëkurë, të shoqëruar nga turistë me shpina të djegura nga dielli që nuk ndalojnë së konsumuari alkool, qëndrojnë nën re tymi cigaresh e mariuane – ky është mesi i muajit mars në South Padre Island të Teksasit.

Ishulli i qetë që ka rreth 5,000 banorë, kur të fillojnë pushimet pranverore të studentëve, kthehet në një aheng të shfrenuar të më se 100 mijë pjesëmarrësve të dehur, që mbushin rrugët dhe plazhet, transmeton Telegrafi.

Bizneset dhe vet qyteti përfitojnë shumë materialisht, pasi studentët gjatë vitit të kaluar shpenzuan 3.1 milionë dollarë vetëm në alkool, teksa në përgjithësi në ishull janë shpenzuar 33.9 milionë dollarë.

Mirëpo, numri enorm i vizitorëve, kërkon edhe numër të shtuar të policëve për të mbrojtur rendin. Viteve të fundit, ka pasur aq shumë nevojë për intervenime, sa që është nevojitur edhe ndihma e njësiteve që luftojnë me kartelat e drogës.

Zakonisht, këto njësite merren vetëm me raste të plaçkitjeve të armatosura, apo ndjekjen e sulmuesve të rrezikshëm.

Këtë vit, pjesë a patrullave janë edhe policët elitarë të njësiteve speciale, që të mbajnë rendin në festimet e përvitshme të studentëve, që përfundojnë në fundjavë. /Telegrafi/